Realak garaipen argia lortu du Athleticen aurka Lezaman (0-2)
Arturo Ruizen taldea gehiago izan da zuri-gorrien eta txuri-urdinen arteko euskal derbian, eta Aiara Agirrezabalak eta Paula Fernandezek lehen zatian sartutako golekin nagusitu da.
Reala erabateko nagusitasunez (0-2) gailendu zaio Athletici F Moeve Ligako 20. jardunaldiko euskal derbian. Txuri-urdinek kontrolpean izan dute lehia une oro, etxekoen ahalegin antzuen aurrean.
Lehenengo zatian goitik behera gailendu da Donostiako taldea. Arturo Ruizek zuzentzen dituen neskena izan da baloi jabetza, hein handi batean, eta etxekoak oso gutxi iritsi dira Julia Arrula atezainaren inguruetara.
Bisitariek ez dute gehiegi itxaron behar izan markagailuan aurretik jartzeko. Hartara, 14. minutuan iritsi da txuri-urdinen estreinako gola, Aiara Agirrezabala gaztearen eskutik. Realak alboko sake bat atera, eta Athleticen defentsa lo antzera harrapatu du. Agirrezabalak egoera hori baliatu du Adriana Nanclaresen aurrean bakarrik geratu ostean baloia haren hankapetik sarera bidaltzeko.
Gol horrek ez du partidaren gidoia gehiegi aldatu, bisitariek nagusi izaten jarraitu baitute. Horrela, 35. minutuan aldea areagotzea lortu dute, penaltiz. Naia Landaluzek falta argia egin dio Claire Lavogez erdilari frantziarrari area barruan. Hasiera batean, epaileak ez du jokaldia zigortu, baina jokaldia VARean ikusi ostean, penalti puntua adierazi du. Paula Fernandezek ez du barkatu 11 metroko puntutik baloia sare barrura bidaltzeko.
Bigarren zatian, etxeko taldea aldea murrizten ahalegindu da. Baloia gehiago izaten saiatu da, baina bisitariek sendotasun handia erakutsi dute atzealdean, eta, horrez gain, kontraeraso arriskutsuak egin dituzte. Horrenbestez, txuri-urdinen hirugarren gola gertuago egon da, etxekoen lehena baino. Aitzitik, Adriana Nanclaresek gelditu apartak egin dizkie Claire Lavegozen eta Intza Egigurenen saiakerei. Atezain zuri-gorria izan da bere taldeko jokalaririk onena, beste behin.
Azkenerako, txuri-urdinek erraz antzera eskuratu dituzte hiru puntuak, eta gora begira jarraitzen dute. Athletic, ostera, sailkapenaren erdialdean geratuko da.
Fitxa teknikoa:
0 - Athletic Club: Nanclares, Elexpuru, Landaluze, Eider, Nerea Benito (Nevado, 60. min); Zubieta (Oguiza, 78. min), Leire Baños (Gurtubay, 46. min); Sara Ortega, Pinedo (Vilariño, 71. min), Agote; eta Campos (Azkona, 46. min).
2 - Real Sociedad: Arrula; Lucía Rodríguez, Florentino, Moraza, Aiara; Ramírez (Arola, 58. min), Cahynová, Paula Fernández, Intza (Cecilia, 88. min); Andreia (Lucía Pardo, 74. min) eta Lavogez (Mirari, 74. min).
Golak: 0-1, 15. min: Aiara. 0-2, 35. min: Paula Fernández, penaltiz.
Epailea: Elena Peláez. Txartel horiak: Zubieta (61. min), Oguiza (93. min) eta Javi Lerga (42. min) Athleticen aldetik; Florentino (67. min) eta Paula Fernández (72. min), Realaren aldetik.
Zure interesekoa izan daiteke
Arene Altonaga: “Gogorra izan da eta triste gaude, baina behekoek berdin jarraitzen dute eta lasaitasun hori ere badaukagu”
Eibarrek Athleticen aurkako derbia galdu du Ipuruan 0-1eko emaitzarekin. Arene Altonaga Eibarreko kapitainaren hitzetan, iaz bezala azken minutuan galtzeak min egin die. Hala ere, bi aste lasai dauzkate aurretik, eta “ondo etorriko zaigu burua altxatzeko”.
Maite Valero: “Partida ona egin dugu, gure jokoa inposatzen saiatu gara eta uste dut lortu dugula”
Eibarren eta Athleticen arteko derbia jokatu da gaur Ipuruan. Athleticek 0-1 garaitu ditu armaginak, eta hilabete zaila igaro ostean Maite Valerok azaldu duenez, “garaipen honek inpultsoa” ematen die aurrera jarraitzeko eta “azken partidetan dena emateko”.
Agotek azken hasperenean egindako golak garaipena eman dio Athletici Ipuruako derbian (0-1)
Garaipen honi esker, bilbotarrek azken asteetako bolada txarra etetea lortu dute. Armaginek, aldiz, behar-beharrezkoak dituzten puntuak lortu gabe jarraitzen dute.
F Liga: Athletic vs Real Sociedad, zuzenean
Ikusi zuzenean Athletic Cluben eta Realaren arteko F Ligako 20. jardunaldiari dagokion euskal derbia, igande honetan, otsailaren 15ean, 12:00etatik aurrera, Lezamatik.
Athleticek gora egin nahi du sailkapenean, eta Realak hirugarren postua sendotu, igande honetako derbian
Txuri-urdinak hirugarren dira, bederatzigarren den Athleticek baino 15 puntu gehiagorekin. Zuri-gorriek zortzi gol jaso dituzte euren azken bi neurketetan, baina joaneko partida berdinketarekin amaitu zen. Igandeko derbia zuzenean jarraitu ahal izango da, 12:00etatik aurrera, EITBn.
Athleticek lehen garaipena lortu du Di Stefanon (0-1)
Athleticek 2025-2026 Moeve F Ligako titulua lortzeko lehian jarraitzen du, Real Madrili irabazita (0-1), 17. jardunaldiko partida aurreratuan. Adriana Nanclares atezainak buruan kolpea jaso ondoren, Sara Ortegaren gol bikainak hiru puntuak erabaki ditu talde bilbotarrarentzat.
Yerai Martin prestatzaile andoaindarrak Costa Adeje Tenerife zuzenduko du denboraldia bukatu arte
Entrenatzaile gipuzkoarra Euskal Herriko futbol hezitzailean, SD Eibarren, ibilbide bikaina egin eta Portugalgo Racing Power FC taldean nazioarteko esperientzia izan ondoren iritsi da Tenerifeko taldera.
Sonia Bermudez da Espainiako selekzioko hautatzaile berria, eta Iraia Iturregi izango du laguntzaile
Espainiako Futbol Federazioak jakinarazi du Montse Tomek ez duela karguan jarraituko eta Bermudez dela hautatzaile berria. Iturregi izango da bigarren entrenatzailea.
Moeve F Ligako derbien egutegia
Athletic, Reala eta Eibar dira lehen mailan lehiatuko diren hiru euskal taldeak. Hemen ikus ditzakezu 2025-2026 denboraldiko derbien data guztiak.