Reala-Real Madril partida ekainaren 21ean jokatuko da; Barça-Athletic, ekainaren 23an

Santander Ligak 30. eta 31. jardunaldietako partiden datak eta ordutegiak publikatu ditu igande honetan. Ligako 30. jardunaldia ekainaren 19a eta 21 artean jokatuko da; 31.a, aldiz, ekainaren 22tik 25era bitartean.

Athleticek Betis izango du aurkari ekainaren 20an (larunbata) 17:00etan, San Mamesen, 30. jardunaldiko neurketan. Ondoren, Getafe eta Eibar ariko dira nor baino nor, 19:30ean, Alfonso Perez Coliseumean. Igandean, ekainaren 21ean, Alaves-Celta jokatuko da 14:00etan, Valentzia-Osasuna neurketa 19:30ean, eta, jardunaldiko partida handia Reale Arenak hartuko du; Reala-Real Madril, 22:00etan.

Bestalde, 31. jardunaldiko neurketa esanguratsuenean Bartzelona eta Athletic izango dira aurrez-aurre ekainaren 23an (asteartea), 22:00etan, Camp Noun. Asteazkenean, ekainaren 24an, Alaves-Osasuna derbiaren txanda izango da 19:30ean, eta, ordu berean jokatuko da Reala-Celta (19:30ean) norgehiagoka. Ostegunean, ekainaren 25ean, Eibar-Valenzia partida 19:30ean izango da, Ipuruan.

30. jardunaldia:

Ostirala, ekainak 19:

19:30ean, Granada-Vila-real

19:30ean, Mallorca-Leganes

22:00ean, Sevilla-Bartzelona

Larunbata, ekainak 20:

14:00etan, Espanyol-Levante

17:00etan, Athletic Club-Real Betis

19:30ean, Getafe-Eibar

22:00etan, Atletico Madril-Valladolid

Igandea, ekainak 21:

14:00etan, Celta-Alaves

19:30ean, Valentzia-Osasuna

22:00etan, Reala-Real Madril

31. jardunaldia

Astelehena, ekainak 22:

19:30ean, Vila-real-Sevilla

22:00etan, Leganes-Granada

Asteartea, ekainak 23:

19:30ean, Levante-Atletico Madril

19:30ean, Valladolid-Getafe

22:00etan, Bartzelona-Athletic Club

Asteazkena, ekainak 24:

19:30ean, Alaves-Osasuna

19:30ean, Reala-Celta

22:00etan, Real Madril-Mallorca

Osteguna, ekainak 25:

19:30ean, Eibar-Valentzia

19:30ean, Betis-Espanyol.