Pep Guardiolak Manchester City utziko du 10 denboraldi eta 20 tituluren ostean
Entrenatzaile kataluniarrak talde ingelesaren aulkia utziko du denboraldi honen amaieran, kontratua amaitu baino urtebete lehenago, baina City Groupekin lotuta jarraituko du enbaxadore global gisa.
Pep Guardiola entrenatzaile kataluniarrak Manchester Cityko entrenatzaile kargua utziko du uda honetan, eta amaiera emango dio Ingalaterrako klubeko 10 denboraldiko etapari.
"Kataluniarra 2016ko uztailean iritsi zen Cityra, eta erabateko eraldaketa ekarri du taldearen buru izan den 10 urteetan, 20 titulu garrantzitsu irabazita", iragarri du klubak ohar batean.
Aulkia utzi arren, Guardiolak City Football Group taldeari lotuta jarraituko du enbaxadore global gisa. Kargu berri horretan, aholkularitza teknikoa eskainiko die taldeko klubei, eta proiektu eta lankidetza zehatzetan egingo du lan.
Entrenatzaile kataluniarra 2016ko udan iritsi zen talde ingelesera, 3 denboraldiz Bayern Munich taldea zuzendu ondoren, eta 6 Premier League, Txapeldunen Liga bat (klubaren historiako lehena), 3 FA Cup, 5 Ligako Kopa, Kluben Munduko Txapelketa bat, Europako Superkopa bat eta 3 Community Shield irabazi ditu ordutik.
Guardiolaren etorkizuna airean dago oraindik, hainbat informaziok Italiako selekzioarekin lotu duten arren. Manchester City taldeak, bere aldetik, horren ordezkoa aurkitu behar du orain.
Zure interesekoa izan daiteke
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Cesar Azpilicueta nafarrak futbola utziko duela iragarri du 36 urterekin
2007an egin zuen debuta Osasunarekin eta ordutik hona Olympique Marseillan, Chelsean, Atletico Madrilen eta Sevillan aritu da.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Damaris Egurrola, Txapeldunen Ligako bere hirugarren finalaren aurrean
Asteburu honetan jokatuko da emakumezkoen Txapeldunen Ligako finala. Bartzelona eta Olympique Lyon izango dira nor baino nor gehiago Oslon.
Kongoko selekzioak bertan behera utzi ditu Kinshasan egin behar zituen lan saioak eta agurra, ebola agerraldiagatik
Selekzioko bozeramaileak adierazi duenez, Kongoko jokalariak Munduko Txapelketa baino lehen kutsatzeko beldurrik ez da izan behar, ia jokalari guztiek atzerrian jokatzen baitute, batez ere Frantzian.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Peru Nolaskoain: “Oso pozik nago, egon nahi dudan lekuan nago”
Peru Nolaskoain Eibarko jokalariak prentsaurrean hitz egin du. Aste honetan, lau denboraldirako luzatu du kontratua armaginekin, eta oso pozik dagoela esan du.
Aston Villak Friburgo hartu du mendean (0-3), eta Emeryk bere bosgarren Europa Liga irabazi du
Hondarribiko entrenatzaileak talde ingelesa garaipena lortzera eraman du Istanbulen jokatu den finalean. Aston Villa nagusi izan da norgehiagokan, eta finala aise irabazi du.