Osasunak eta Athleticek puntuak banatu dituzte urtea hasteko (1-1)
Gorritxoak nagusitu dira lehen zatian, zuri-gorriak bigarrenean, eta Ruben Garciaren eta Guruzetaren golek markagailua parekatu dute.
Osasunak eta Athleticek puntuak banatu dituzte larunbat honetan Sadarren jokatutako derbian, EA Sports Ligako 18. jardunaldiko partidan (1-1). Gorritxoak nagusitu dira lehen zatian, zuri-gorriak bigarrenean, eta Ruben Garciaren eta Guruzetaren golek markagailua parekatu dute.
Gorritxoak joko erasokorragoarekin hasi dira, eta pixkanaka aurkariaren area ingurura hurbildu dira. Horrela, neurketako lehen aukera argia haiena izan da, Paredesen buruaren gainetik jarritako pase bat Budimirrek jaso duenean, baina baloia kanpora bota du, oso desbideratuta.
Athletici kosta egin zaio defendatzea, hutsune askorekin, eta hortik gidatu du Osasunak erasoa. Beste jokaldi batean, Victor Muñozek pase sakon bat jarri du area barrura, Moncayolak jokaldia amai zezan, baina Unai Simonek ondo jardun du jaurtiketa gelditzeko.
Izan ere, atezain zuri-gorria bere taldeko onenetarikoa izan da, baloia sarera sartzea saihestu baitu behin baino gehiagotan. Bitartean, kideek ez dute arriskua sortzeko modurik aurkitu.
Ordu erdia pasata, Ruben Garciak zortea probatu du falta jaurtiketa zuzen batekin eta gol ikusgarria sartu du, Unai Simon ustekabean harrapatuz (1-0).
Athleticek Guruzetaren jaurtiketa batekin erantzun du, emaitza berdintzeko asmoz, baina Sergio Herrera bikain aritu da gola saihesteko.
Bigarren zatian Athleticek pausu bat eman du aurrera eta erasoaren kontrola hartu du. Aukera onak izan dituzte zurigorriek, baina atezainak batean eta Catenak bestean gola sartzea eragotzi diete.
Baina azkenean 'lehoien' erasoak bere fruitua eman du. Hainbat saiakeren ostean, Guruzetak baloia jaso du area ertzean eta eskuin zutoinera itsatsita markagailua berdindu du (1-1).
Partidako azken minutuak oso berdinduta egon dira. Bi taldeek izan dituzte gol aukerak, argienak gorritxoek luzapenean, burukada batekin, eta Nico Serranok Bizkaiko taldearen aldetik. Baina markagailua ez da gehiago mugitu eta bi taldeek puntu banarekin bukatu dute.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.