Euskal Selekzioak aise irabazi du Peruren aurka (6-0)
Euskal Selekzioak jipoi galanta eman dio Peruri, San Mames estadio berrian (6-0). Etxarriren eta Amorrorturen gizonek erakustaldia eman dute berdegunean, eta Peru galduta ibili da, bere izarrak ez baitira Bilbora etorri. Adurizek bi aldiz, eta Roberto Torresek 3-0ekoa jarri dute lehenengo zatian, eta Agirretxek, bitan ere, eta Susaetak 6-0ekoa ezarri dute bigarren zatian.
Peruko selekzioak ondo hasi du norgehiagoka, seiotasunez atzealdean, eta Euskal Selekzioari partidan sartzea kosta egin zaio. Hala ere, Aritz Adurizen golak neurketan erabat sartu du taldea. Xabi Prietok zutoinera jaurti du, 13. minutuan, eta Athleticeko aurrelariak aldaratzea ondo aprobetxatu du markagailuan 1-0ekoa ezartzeko.
Etxarriren eta Amorrorturen gizonek aurrerapauso garrantzitsua eman dute, golaren ostean, eta Peruk intentsitate gutxiagorekin jokatu du. 20. minutuan, Roberto Torresek 2-0ekoa jarri du markagailuan, Euskal Selekzioarekin jokatu duen aurreneko neurketan. Peruk ezinean jarraitu du, eta Aritz Adurizek hirugarren gola lortu du, 40. minutuan, Delgado atezaina maisuki gainditu ostean. Atsedenaldian, Euskal Selekzioa jaun eta jabe izan da (3-0).
Bigarren zatian Amorrortuk eta Etxarrik ia hamaikako osoa aldatu dute, Beñat eta De Marcos izan ezik. 49. minutuan, Imanol Agirretxek Euskal Selekzioaren laugarren gola eskuratu du bolea eder batekin, eta bi minutu geroago, Usurbileko aurrelariak 5-0ekoa jarri du San Mameseko markagailuan.
Euskal Selekzioak aise agindu du berdegunean eta Toquero eta Bergara Beñaten eta De Marcosen ordez sartu dira. 80. Minutuan, Markel Susaetak norgehiagokako azken gola eskuratu du Oier Sanjurjoren pase ona ederki aprobetxatuta. Partida 6-0ekoarekin bukatu da, eta euskal jokalariek euren palmaresa betetzeko beste garaipen garrantzitsu bat lortu dute.
Fitxa teknikoa:
6.- Euskal Selezkioa: Iraizoz (Zubikarai, 53. minutuan); Iraola (Oier, 46. minutuan), Ansotegi (Ekiza, 46. minutuan), Iñigo Martinez (San Jose, 46. minutuan), Aurtenetxe (Balenziaga, 46. minutuan); Iturraspe (Illarramendi, 46. minutuan), Beñat (Markel, 53. minutuan); Xabi Prieto (Susaeta, 46. minutuan), De Marcos (Toquero, 53. minutuan), Roberto Torres (Ibai, 46. minutuan); eta Aduriz (Agirretxe, 46. minutuan).
0.- Peru: Delgado (Penny, 46. minutuan); Walter Vilchez (Gambetta, 57. minutuan), Ramos (Merino, 46. minutuan), Balbin; Cruzado, Oscar Vilchez, Advincula (Rafael Farfan, 83. minutuan), Yotun; Bazan (Cespedes, 74. minutuan), Benavente (Aparicio, 86. minutuan) eta Chavez.
Golak: 1-0, 12. minutuan: Aduriz. 2-0, 22. minutuan: Roberto Torres. 3-0, 40. minutuan: Aduriz. 4-0, 48. minutuan: Agirretxe. 5-0, 52. minutuan: Agirretxe. 6-0, 80. minutuan: Susaeta.
Zure interesekoa izan daiteke
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi behar izan zuen neurketa hasi eta bi minutu eskasera.
F Liga abuztuaren 29an hasiko dute Realak eta Eibarrek eta 30ean Athleticek eta Alavesek
Abuztuaren 29an, larunbatean, talde txuri-urdinak Logroño United hartuko du, eta talde armaginak, Espanyol. Bestalde, lehoiek FC Badalona izango dute aurkari etxean, hilaren 30ean, igandean, eta Alavesek, Valentzia.
Miguel Rodriguez: “Entrenatzaileak eskatutako postuan, eroso izango naiz: bigarren aurrelari, eskuineko hegalean…”
Alavesen fitxaketa berria Herbehereetako Utrecht taldetik iritsi da Gasteizera, eta astelehenean aurkeztu dute. Miguel Rodriguezek ilusio handia du euskal taldean aritzeko aukeragatik.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Infantinok bertan behera utzi du FIFA inbertitzaile pribatuei irekitzeko proiektua
FIFAko presidenteak proposamena erretiratu du, hainbat konfederazio eta federazio, UEFA barne, aurka agertu ondoren.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.