Bidasoak gol bakarrarengatik galdu du Alemanian, eta Artalekun izango du lauko finalerako sailkatzeko aukera
Irudek Bidasoa-Irun aurrerapauso handia eman du astearte honetan, Europako Ligako azken fasera sailkatu ahal izateko; izan ere, gol bakarreko zuloari egin beharko dio aurre Alemaniako Melsungen taldearen kontra —Bundesligako sailkapenan bigarren dabil— datorren astean, Artalekun. Irungo taldea nagusi izan da lehiako zati handi batean, baina azkenerako apur bat luze egin zaio neurketa (28-27).
Gipuzkoako taldea oso serio hasi da, konplexurik gabe. Salinas anaiek fin ekin diote neurketari, eta etxekoak, ordea, ez dira oso fin aritu atepean. Gauzak bide onetik joan dira lehen zatian.
Gakoa defentsan zegoen, partida honetarako lesionatuta zegoen Kristopans handikote letoniarra falta zen eta, Melsungen ez delako hain indartsua izan eta Bidasoak beti alde batetik edo bestetik golerako bidea aurkitzea lortu izan duelako.
Asier Nieto izan da golari begira bidasotarren helduleku nagusia atsedenaldira arte, markagailuari eusteko, eta Alex Mozas entrenatzaileak ezarritako helburuetako bat lortzeko: Alemaniako taldeak ez zezala ihes egin bolada on baten ostean.
Bigarren zatiaren hasieran 0-6ko partzialari esker aurretik jarri da Gipuzkoako taldea (15-19), defentsa itxi eta Kuban Skrzyniarz fin-fin, atepean.
Hori gutxi ez, eta 0 eta 6ko partzial ikusgarriarekin ekin dio bigarren zatiari Bidasoak, defentsako lan ederra eta, batez ere, Kuban Skrzyniarz atezainaren geldituak oinarritzat hartuta. Hala, etxeko taldeak ia 9 minutu behar izan ditu bigarren zatiko lehen gola erdiesteko, eta, ondorioz, bidasotarrek lau goleko errenta bereganatu dute (15-19, 16-20, 17-21 eta 18-22).
Alabaina, Roberto Garcia Parrondo entrenatzaile espainiarrak gidatzen duen Melsungen taldea atezainik gabe hasi da jokatzen erasoko jokaldietan (zazpi seiren aurka), eta Parrondoren gizonek ondo jakin dute aprobetxatzen abantaila hori, markagailuko aldea gol bakarrera murrizteko, neurketako azken laurdena jokatzeko falta zela.
Une horretan, ordura arte bikain aritu den Bidasoaren beheralditxoa etorri da, eta Melsungen, Erik Balentziaga zarauztarraren gidaritzapean, aurretik jarri da norgehiagokaren azken txanpan. Aitzitik, gol bakarreko aldea baino ez dute erdietsi etxekoek, eta, ondorioz, Bidasoak bere esku dauka kanporaketari buelta emateko aukera, zazpi egun barru Artalekun jokatuko duen partidan. Norgehiagoka EITBn zuzenean jarraitu ahal izango da.
28 - Melsungen: Morawski, Krawczyk, Lichtlein (atezainak); Barrufet (6 pen.), Balenziaga (3), Mandic (1), Moraes (3), Cavalcanti (3), Riecke, Martí Soler, Ignatow, Sipos (2), Svensson (2), Wilfer, Jonsson (5), Kastening (3).
27 - Irudek Bidasoa-Irun: Leo Maciel, Skrzyniarz (atezainak), Furundarena, Esteban Salinas, (5), Julen Mujika (3), Rodrigo Salinas (3), Cavero (3 pen.), Asier Nieto (6), Dariel García (3), Matheus, Gorka Nieto (2), Jevtic, Gey- Emparan, Pedro Pacheco (2), Boskos, Zabala.
Markagailua bost minuturik behin: 2-2; 4-4; 8-6; 9-9; 11-11; 15-13 -atsedenaldia- 15-17; 16-19; 19-22; 23-24; 26-26; 28-27.
Arbitrajea: Bartosz Leszcynski eta Marcin Piechota (Polonia). Cavalcanti, Matheus, Jevtic eta Gey-Emparan kanporatu dituzte bi minutuz.
Gorabeherak: Alemaniano Kassel herriko Rothenbach Halle pabiloian jokatutako Europako Ligako final-laurdenetako joaneko partida, 3.500 bat zaleren aurrean.
Zure interesekoa izan daiteke
Bidasoa-Irunek Leo Maciel berritu du 2027ra arte eta Nacho Vallesen irteera iragarri du
Talde gipuzkoarrak atezainari eta lehen lerroari eragiten dieten bi aldaketa baieztatu ditu azken egunotan bere jokalarien artean. Berrikuntza eta baja garrantzitsuak izango ditu datorren denboraldiari begira.
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Bidasoak EHF Europako Ligan jarraitzeko aukerak izatea bilatuko du Kielen, asteartean
Euskal taldeak Alemanian Kielen aurka galtzen badu, txapelketan jarraitzeko aukerarik gabe gera liteke, Montpellierrek Flensburgen aurka irabazten badu; Bidasoak garaipena lortuko balu edo Flensburgek Montpellier menderatuko balu, hilaren 10ean jokatuko den Bidasoa-Montepllier partidaren menpe geratuko litzateke sailkapena.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.