Motor Zaporizhia vs Bidasoa Irun zuzenean ikusi ahalko da gaur, eitb.eus-en eta ETB4n, 18:45ean
Bidasoa Irun Europa Ligako final-zortzirenetarako sailkatuko da, gaur HC Motor Zaporizhia ukrainarraren aurka galtzen ez badu. Azken hori, multzoko azkena den arren, edozein aurkari ezustean harrapatzeko moduko taldea da. Partida zuzenean izango da ikusgai eitb.eus-en eta ETB4n, 18:45etik aurrera.
Multzo bakoitzeko lau taldek egingo dute aurrera hurrengo fasera. Une honetan, Bidasoa multzoko hirugarren tokian dago, zazpi punturekin; bestalde, Aguas Santas Milaneza bosgarrena da, gipuzkoarrek baino hiru puntu gutxiago dituztela. Gainera, bien arteko gol averagea Bidasoaren aldekoa da. Ondorioz, Jacobo Cuetarak zuzentzen dituen mutilek nahikoa dute puntu bakarra lortzearekin hurrengo faserako txartela ziurtatzeko. Hala ere, Gipuzkoako taldea garaipenaren bila aterako da, zenbat eta gorago sailkatu orduan eta aurkari errazagoa aurkituko baitu hurrengo fasean.
Hirugarren toki horri eusteko (Eurofarm Pelister puntu batera dute), seguruenik nahikoa izango dute berdinketarekin; izan ere, mazedoniarrek partida oso zaila jokatu beharko dute Fuchse Alemaniako liderraren kantxan, eta, gainera, gol averagea ere Irungoen aldekoa da.
Gerra dela eta, HC Motor Zaporizhiak Düsseldorfen (Alemania) jokatzen ditu etxean jokatu beharreko partidak. Ukrainatik urrun aritu arren, baina, talde ona dute, eta Bidasoa oso ahul ari da etxetik kanpo (lehiaketa guztiak kontuan izanda, bi partida baino ez ditu irabazi Irundik urrun). Ahalegin berezia egin beharko dute, beraz, ezustekorik izan nahi ez badute.
Joaneko partidan Bidasoak 26-22 irabazi zuen Irunen, Jon Azkuek gidatutako norgehiagoka batean.
Zure interesekoa izan daiteke
Bidasoak galdu egin du Flensburgen, partida oso lehiatu baten ostean (38-35)
Bidasoa Irunek lehia gogorra izan du Alemaniara egindako bisitan, eta sentsazio positiboak utzi ditu emaitza positiboa izan ez den arren.
Irudek Bidasoa-Irunek final-zortzirenetarako txartela lortu du Potaissa Turda mendean hartuta (35-30)
Irungo taldeak landutako garaipena lortu du eta Europako Ligan jarraituko duela ziurtatu du matematikoki.
Gurutz Aginagalde: ''Asmoa leku ezberdinetara iristea da, ez bakarrik Irunen lan egitea''
"Bizkaia, Araba, Gipuzkoa, Nafarroa iparraldea eta Akitania hegoaldera iritsi nahi dugu. Gaitasuna duen edozein neska-mutilek aurrerapausoak emateko aukera izatea nahi dugu", erantsi du Irudek Bidasoa-Iruneko presidenteak.
Irudek Bidasoa-Irunek 'Lurraldea Gara' aurkeztu du, Euskal Herri osorako erakarpen eta harrobi proiektua
Proiektu estrategiko hau azaroaren 26an Bilbon hasiko den teknifikazio programa batekin hasiko da. Gainera, elastiko berri bat diseinatu dute proiektuaren izenarekin eta ikurrinaren koloreetan oinarrituta.
Bidasoak Saint Raphael mendean hartu du Artalekun eta bizirik jarraitzen du Europan (33-25)
Horrela, irundarrek averagea berreskuratu dute talde frantziarrarekiko, lau goleko aldea behar baitzuten, eta euren esku dute txapelketan jarraitzea.
Bidasoa Irunek lau goleko aldeaz irabazi behar dio Saint Raphaeli, Europa Ligan aukerak izateko
Joaneko porrotak baldintzatuta kantxaratuko da gaur gauean Bidasoa Irungo taldea. Neurketa Artalekun izango da, 20:45ean hasita, eta zuzenean izango da ikusgai, eitb.eus-en eta ETB4n.
Bidasoa Irun final-zortzirenetatik urrundu da, Saint-Raphaëlen aurka 35-32 galdu du eta
Talde irundarrak porrota jaso du Frantzian, eta horrek zaildu egin ditu Europako Ligan dituen aukerak; izan ere, itzulerako dueluan markagailuari buelta eman beharko dio.
Alex Mozasek Bidasoa Irunekin berritu du 2029ra arte
Bidasoa Irunek Alex Mozas entrenatzailearen kontratua berritu du, eta 2029ra arte jarraituko du taldean. Astelehen honetan eman dute akordioaren berri, komunikatu ofizial baten bidez.
Bidasoa Irunek gol bategatik galdu du Flensburg txapeldunaren aurka, Artalekun, garaipena hurbil izan ostean
Artalekuk hitzordu handien itxura izan du munduko talderik onenetako baten aurrean, Bundesligako liderra eta Europako Ligako azken bi edizioetako irabazlea.
Bidasoa Irunek garaipena lortu du AHC Potaissa Turdaren aurka (33-34)
Irudek Bidasoa-Irunek Europako Ligako lehen garaipena eskuratu du, pista zaila eta Potaissa Turda aurkari zorrotza zen arren.