Bidasoa – Eurofarm, astearte honetan zuzenean, ETB4n eta eitb.eus-en
Bidasoa Irunek Europako Ligan jarraitzeko urrats ia erabakigarria emateko aukera du astearte honetan (20:45). Helburua Eurofarm Pelister Ipar Mazedoniako taldea mendean hartzea da.
Irungo taldea indartsu agertu da aurten Artalekun, partida bakarra galdu baitu: Granollersen aurka Asobalen jokatutakoa. Gainerako neurketak, baita Europakoak ere, gipuzkoarren garaipenekin amaitu dira.
Europan etxean irabazitako lehiak hiru dira orain arte: lehena, Norvegiako Kolstad (30-27) taldearen aurkakoa (txapelketa honetako aurre kanporaketa); bigarrena, Portugalgo Aguas Santas Milanezaren (35-26) kontra eta, hirugarrena, Ukrainako HC Motor (26-22) taldearen aurrean.
Partida erabakigarri hau orekatua izango dela dirudi; izan ere, txapelketan orain arte jokatutako lau jardunaldietan antzerako jarduna izan dute aurkari berberen aurka. Giro bikaina espero da Artalekun, Jacobo Cuetararen taldeak bi puntuak eskuratzeko behar duen plus hori emateko.
Gipuzkoako taldearen Ligako bolada txarra, gainera, larunbatean eten zen, Bada Huescaren aurkako garaipen landu baina sendoarekin (29-25).
Joan zen astean Skanderborren (38-27) aurka Danimarkan parte hartu ez zuten baina neurketa honetarako gertu egongo diren Jon Azkueren eta Iñaki Caveroren susperraldiak aukera asko ematen dizkio Bidasoari lehia aurrera ateratzeko.
Partida zuzenean jarraitu ahal izango da ETB4n eta eitb.eus-en, 20:45etik aurrera.
Zure interesekoa izan daiteke
Bidasoa-Irunek Leo Maciel berritu du 2027ra arte eta Nacho Vallesen irteera iragarri du
Talde gipuzkoarrak atezainari eta lehen lerroari eragiten dieten bi aldaketa baieztatu ditu azken egunotan bere jokalarien artean. Berrikuntza eta baja garrantzitsuak izango ditu datorren denboraldiari begira.
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Bidasoak EHF Europako Ligan jarraitzeko aukerak izatea bilatuko du Kielen, asteartean
Euskal taldeak Alemanian Kielen aurka galtzen badu, txapelketan jarraitzeko aukerarik gabe gera liteke, Montpellierrek Flensburgen aurka irabazten badu; Bidasoak garaipena lortuko balu edo Flensburgek Montpellier menderatuko balu, hilaren 10ean jokatuko den Bidasoa-Montepllier partidaren menpe geratuko litzateke sailkapena.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.