Bidasoak Ligako emaitzen krisia arindu nahi du Europan, Skandeborgen aurka
Bidasoa Irun beste garaipen bat lortzen saiatuko da astearte honetan Europa Ligan, Danimarkako Skanderborg-Aarhus taldearen aurka. Gipuzkoarrek Asobal Ligan Cuencaren kontra (30-25) izandako azken porrota ahazteko asmoz kantxaratuko dira. Partida zuzenean emango da eitb.eus-en eta ETB4n, azaroaren 29an, 18:45ean.
Jacobo Cuetararen taldeak ez du asmatzen etxetik kanpo. Denboraldi honetan bi aldiz bakarrik irabazi du Artalekutik urruti, eta bidaia bakoitza jokalari horien konfiantzari emandako zartako bat bihurtu da.
Europa, ordea, irribarre egiten ari zaio hiru partidatan bi garaipen lortu dituen Bidasoari, hori bai, beti etxean, nahiz eta Alemaniako Fuchse liderrari aurre egiteko gai izan zen. Danimarkan garaipena lortuz gero, hurrengo faserako txartela asko bideratuko litzaioke, nahiz eta aurrean goi mailako aurkari bat egon.
Bidasoako zaleak Danimarkako ligako sailkapenari bakarrik begiratzen badio, aurkari ez hain sendoa ikusiko du. Jaitsiera postuak baino bi puntu gehiago ditu, baina hori oso datu engainagarria da, Skanderborg galdu gabe baitago Europan, etxetik kanpo hiru garaipen lortuta. Horrez gain, etxeko ligan azken lau neurketak irabazi ditu, azkena Txapeldunen Ligan ohikoa den Aalborg indartsuari.
Thomas Sommer gaztea, 20 urtez azpiko internazionala bere herrialdearekin eta batez ere munduko eskubaloiaren azken sentsazioa; Hakum West erasoko hegalekoa, Faroe Uharteetan jokatzen duena eta datozen denboraldietarako Kiel talde alemaniarrarekin milioi askoko kontratua lortu duena, dira erasoari begira dituen baliabide garrantzitsuenetako bi.
Defentsako lana funtsezkoa izango da gipuzkoarrentzat. Atzealdean egindako jarduna azken irteeretan bezain kaskarra bada (partzial handiak jasotzen ari da minutu gutxiren buruan), bidasoatarrek aukera gutxi izango dituzte neurketa aurrera ateratzeko.
Zure interesekoa izan daiteke
Bidasoa-Irunek Leo Maciel berritu du 2027ra arte eta Nacho Vallesen irteera iragarri du
Talde gipuzkoarrak atezainari eta lehen lerroari eragiten dieten bi aldaketa baieztatu ditu azken egunotan bere jokalarien artean. Berrikuntza eta baja garrantzitsuak izango ditu datorren denboraldiari begira.
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Bidasoak EHF Europako Ligan jarraitzeko aukerak izatea bilatuko du Kielen, asteartean
Euskal taldeak Alemanian Kielen aurka galtzen badu, txapelketan jarraitzeko aukerarik gabe gera liteke, Montpellierrek Flensburgen aurka irabazten badu; Bidasoak garaipena lortuko balu edo Flensburgek Montpellier menderatuko balu, hilaren 10ean jokatuko den Bidasoa-Montepllier partidaren menpe geratuko litzateke sailkapena.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.