Bidasoak D Multzoan jardungo du Europako Ligako multzoen fasea gainditzeko asmoz
Europa Ligako multzoen faseko zozketa ostegun honetan egin da, Nazioarteko Eskubaloi Federazioaren egoitzan, eta D Multzoan kokatu du Bidasoa-Irun, Füsche Berlin talde indartsuarekin batera. Dena den, Jacobo Cuetarenek aukerak izango dituzten lehen lauren artean sailkatu eta final-zortzirenetara jauzi egiteko.
Horrela, Bidasoak eta aipatutako Füscheko alemaniarrek beste talde hauek izango dituzte aurkari: Ipar Mazedoniako Eurofarm Pelister, Ukrainako HC Motor, Danimarkako Skandeborg-Aarhus eta Portugalgo Aguas Santa Milaneza.
Talde gipuzkoarrak iaz ere jokatu zuen Fuscheren aurka: Artalekun estu joan zen lehia (32-35), baina Alemanian (35-23) nagusitasunez gailendu ziren Berlinekoak. Alemaniako ligako hirugarren tokian dago sailkatuta une honetan Füsche, eta faborito argia da D Multzoko lehen postua eskuratzeko.
Horrenbestez, gainerako taldeak izango ditu aurkari zuzen Bidasoak hurrengo kanporaketara igarotzeko bidean.
Motor Zaporiyia taldeko ukrainarrak Alemaniako bigarren mailan ari dira jokatzen euren neurketak, euren herrialdean jasaten ari diren inbasioagatik. Hori bai, ez zaizkie emaitzak zenbatzen sailkapenean. Aguas Santa bosgarren dago kokatuta Portugalgo ligan. Eurofarm Pelister Eurofarm Rabotnik taldetik sortutakoa da, eta aurretik ere lehiatu da Bidasoarekin 2019-2020 denboraldian, hain justu. Bukatzeko, Skandeborg azken postuetan dago sailkatuta Danimarkako ligan une honetan.
Fase honetako neurketak urriaren 25ean hasiko dira, eta otsailaren 28an jokatuko da ligaxka osatzen duten 10 jardunaldietako azkena. Tartean, geldialdia izango da urtarrilean, Suediako eta Poloniako Munduko Txapelketagatik. Horrela, euskal taldeak hamar partida izango ditu aurreko denboraldian Europako Liga honen formatu berriarekin lehen aldiz lortu zuen helburu bat lortzeko.
EUROPA LIGAKO EGUTEGIA:
1. jardunaldia: Bidasoa – Aguas Santas (urriak 25)
2. jardunaldia: Füsche – Bidasoa (azaroak 1)
3. jardunaldia: Skandeborg-Aarhus – Bidasoa (azaroak 22)
4. jardunaldia: Bidasoa – HC Motor (azaroak 29)
5. jardunaldia: Bidasoa – Eurofarm Pelister (abenduak 6)
6. jardunaldia: Eurofarm Pelister – Bidasoa (abenduak 13)
7. jardunaldia: Aguas Santas – Bidasoa (otsailak 7)
8. jardunaldia: Bidasoa – Füsche (otsailak 14)
9. jardunaldia: HC Motor – Bidasoa (otsailak 21)
10. jardunaldia: Bidasoa – Skandeborg-Aarhus (otsailak 28)
Zure interesekoa izan daiteke
Bidasoak galdu egin du Flensburgen, partida oso lehiatu baten ostean (38-35)
Bidasoa Irunek lehia gogorra izan du Alemaniara egindako bisitan, eta sentsazio positiboak utzi ditu emaitza positiboa izan ez den arren.
Irudek Bidasoa-Irunek final-zortzirenetarako txartela lortu du Potaissa Turda mendean hartuta (35-30)
Irungo taldeak landutako garaipena lortu du eta Europako Ligan jarraituko duela ziurtatu du matematikoki.
Gurutz Aginagalde: ''Asmoa leku ezberdinetara iristea da, ez bakarrik Irunen lan egitea''
"Bizkaia, Araba, Gipuzkoa, Nafarroa iparraldea eta Akitania hegoaldera iritsi nahi dugu. Gaitasuna duen edozein neska-mutilek aurrerapausoak emateko aukera izatea nahi dugu", erantsi du Irudek Bidasoa-Iruneko presidenteak.
Irudek Bidasoa-Irunek 'Lurraldea Gara' aurkeztu du, Euskal Herri osorako erakarpen eta harrobi proiektua
Proiektu estrategiko hau azaroaren 26an Bilbon hasiko den teknifikazio programa batekin hasiko da. Gainera, elastiko berri bat diseinatu dute proiektuaren izenarekin eta ikurrinaren koloreetan oinarrituta.
Bidasoak Saint Raphael mendean hartu du Artalekun eta bizirik jarraitzen du Europan (33-25)
Horrela, irundarrek averagea berreskuratu dute talde frantziarrarekiko, lau goleko aldea behar baitzuten, eta euren esku dute txapelketan jarraitzea.
Bidasoa Irunek lau goleko aldeaz irabazi behar dio Saint Raphaeli, Europa Ligan aukerak izateko
Joaneko porrotak baldintzatuta kantxaratuko da gaur gauean Bidasoa Irungo taldea. Neurketa Artalekun izango da, 20:45ean hasita, eta zuzenean izango da ikusgai, eitb.eus-en eta ETB4n.
Bidasoa Irun final-zortzirenetatik urrundu da, Saint-Raphaëlen aurka 35-32 galdu du eta
Talde irundarrak porrota jaso du Frantzian, eta horrek zaildu egin ditu Europako Ligan dituen aukerak; izan ere, itzulerako dueluan markagailuari buelta eman beharko dio.
Alex Mozasek Bidasoa Irunekin berritu du 2029ra arte
Bidasoa Irunek Alex Mozas entrenatzailearen kontratua berritu du, eta 2029ra arte jarraituko du taldean. Astelehen honetan eman dute akordioaren berri, komunikatu ofizial baten bidez.
Bidasoa Irunek gol bategatik galdu du Flensburg txapeldunaren aurka, Artalekun, garaipena hurbil izan ostean
Artalekuk hitzordu handien itxura izan du munduko talderik onenetako baten aurrean, Bundesligako liderra eta Europako Ligako azken bi edizioetako irabazlea.
Bidasoa Irunek garaipena lortu du AHC Potaissa Turdaren aurka (33-34)
Irudek Bidasoa-Irunek Europako Ligako lehen garaipena eskuratu du, pista zaila eta Potaissa Turda aurkari zorrotza zen arren.