Bidasoa Irun final-zortzirenetarako sailkatu da Fuchse Berlinen aurka galdu egin duen arren (35-23)
Bidasoa Irun EHFren Europa Ligako final-zortzirenetara sailkatu da, astearte honetan Fuchse Berlinen aurka galdu egin duen arren (35-23) Alemanian jokatutako multzoen faseko zortzigarren jardunaldiko partida. Tatran Presoven eta Pfadi Winterthurren porrotek hurrengo faserako txartela eman diote euskal taldeari.
Neurketako lehen gola Irungo taldeak sartu duen arren, Fuchse Berlin nagusi izan da lehen zatian. Alemaniarrek azkar erantzun diote Bidasoaren lehen golari, emaitza irauli, eta markagailuan aurretik jarrita (3-1). Ondoren, lau eta bost goleko desabantailak izan ditu euskal taldeak (7-2 eta 8-4), baina bi golera murriztea lortu du (8-6). Hala ere, atsedenaldira iritsi aurreko hamar minutuetan Fuchse Berilenek zuloa ireki du markagailuan, sei goleko errenta erdietsita (16-10).
Ondo ekin dio Bidasoa Irunek bigarren zatiari, bi gol jarraian sartuta (16-12); etxeko taldeak, ordea, ez dio utzi aldeak gehiago murrizten, Berlingoak jaun eta jabe izan baitira Bidasoaren bi golak jaso ostean. Pixkanaka, markagailuan zuen abantaila handitzen hasi da Fusche Berlin, eta Alemaniako taldeak neurketa ia erabakita utzi du 50. minuturako, hamar goleko errenta erdietsita (28-18).
Azken hamar minutuetan Fusche Berlin aise nagusitu da, abantaila handitu du, eta norgehiagoka irabazi du, 35-23ko emaitzarekin.
Fitxa teknikoa:
35.- Fuchse Berlin: Milosavljev, Drux (2), Vujovic (10, 2 de pen.), Morros (-), Andersson (3), Wiede (4) eta Chrintz (4) –hasierako taldea- Beneke (4), Holm (2), Lindberg (2 de pen.), Langhoff (1), Marsenic (3) eta Koch (-).
23.- Bidasoa Irun: Ledo, Furundarena (3), Ugarte (2), Nieto (-), Múgica (4), Cavero (3, 2 de pen.) eta Zabala (-) –hasierako taldea- Aginagalde (6, 1 de pen.), Tesoriere (-), Gey (2), Da Silva (-), García (-), Rodríguez (2), Iribar (1) eta Sierra.
Emaitza bost minutuan behin: 1-1, 5-2, 8-5, 11-7, 13-8, 16-10 (Atsedenaldia) 19-13, 21-14, 24-16, 28-18, 32-20 eta 35-23 (Amaiera).
Epaileak: Biro y Kiss (Hungaria). Bi minutuz kaleratu dituzte Garcia, Cavero eta Gey, Bidasoa Iruneko jokalariak.
Zure interesekoa izan daiteke
Bidasoak galdu egin du Flensburgen, partida oso lehiatu baten ostean (38-35)
Bidasoa Irunek lehia gogorra izan du Alemaniara egindako bisitan, eta sentsazio positiboak utzi ditu emaitza positiboa izan ez den arren.
Irudek Bidasoa-Irunek final-zortzirenetarako txartela lortu du Potaissa Turda mendean hartuta (35-30)
Irungo taldeak landutako garaipena lortu du eta Europako Ligan jarraituko duela ziurtatu du matematikoki.
Gurutz Aginagalde: ''Asmoa leku ezberdinetara iristea da, ez bakarrik Irunen lan egitea''
"Bizkaia, Araba, Gipuzkoa, Nafarroa iparraldea eta Akitania hegoaldera iritsi nahi dugu. Gaitasuna duen edozein neska-mutilek aurrerapausoak emateko aukera izatea nahi dugu", erantsi du Irudek Bidasoa-Iruneko presidenteak.
Irudek Bidasoa-Irunek 'Lurraldea Gara' aurkeztu du, Euskal Herri osorako erakarpen eta harrobi proiektua
Proiektu estrategiko hau azaroaren 26an Bilbon hasiko den teknifikazio programa batekin hasiko da. Gainera, elastiko berri bat diseinatu dute proiektuaren izenarekin eta ikurrinaren koloreetan oinarrituta.
Bidasoak Saint Raphael mendean hartu du Artalekun eta bizirik jarraitzen du Europan (33-25)
Horrela, irundarrek averagea berreskuratu dute talde frantziarrarekiko, lau goleko aldea behar baitzuten, eta euren esku dute txapelketan jarraitzea.
Bidasoa Irunek lau goleko aldeaz irabazi behar dio Saint Raphaeli, Europa Ligan aukerak izateko
Joaneko porrotak baldintzatuta kantxaratuko da gaur gauean Bidasoa Irungo taldea. Neurketa Artalekun izango da, 20:45ean hasita, eta zuzenean izango da ikusgai, eitb.eus-en eta ETB4n.
Bidasoa Irun final-zortzirenetatik urrundu da, Saint-Raphaëlen aurka 35-32 galdu du eta
Talde irundarrak porrota jaso du Frantzian, eta horrek zaildu egin ditu Europako Ligan dituen aukerak; izan ere, itzulerako dueluan markagailuari buelta eman beharko dio.
Alex Mozasek Bidasoa Irunekin berritu du 2029ra arte
Bidasoa Irunek Alex Mozas entrenatzailearen kontratua berritu du, eta 2029ra arte jarraituko du taldean. Astelehen honetan eman dute akordioaren berri, komunikatu ofizial baten bidez.
Bidasoa Irunek gol bategatik galdu du Flensburg txapeldunaren aurka, Artalekun, garaipena hurbil izan ostean
Artalekuk hitzordu handien itxura izan du munduko talderik onenetako baten aurrean, Bundesligako liderra eta Europako Ligako azken bi edizioetako irabazlea.
Bidasoa Irunek garaipena lortu du AHC Potaissa Turdaren aurka (33-34)
Irudek Bidasoa-Irunek Europako Ligako lehen garaipena eskuratu du, pista zaila eta Potaissa Turda aurkari zorrotza zen arren.