Bera Berak azaroan ekingo dio Europa Ligari
Emakumeen Europako eskubaloi Liga azaroan hasiko da Super Amara Bera Bera taldearentzat, taldeen fasearen aurreko errondarekin. Kanporaketa joan-etorrikoa izango da, azaroko bi asteburutan jokatuta: 11-12 eta 18-19. Egutegiari dagokionez, donostiarrek azaroaren 1ean Telden jokatuko dute, Rocasaren aurka, eta azaroaren 4an Oviedoko Lobas Global hartuko dute etxean. Ondoren, azaroaren 11rako Valladolideko Caja Rural Aularen kontra aurreikusitako norgehiagoka aurreratu edo atzeratu beharko dute, Europako joaneko partida izango dutelako egun berean.
Urriaren 3an jakingo du Super Amara Bera Berak nor izango duten aurrean Europan. Aukeren artean, Borussia Dortmund alemaniarraz gain, Sola eta Storhamar norvegiarrak dira nabarmentzekoak.
Honako hauek dira zozketan sartuko diren beste taldeak: HSG Bensheim/Auerbach alemaniarra, RK Lokomotiva Zagreb eta RK Podravka Vegeta (liga txapeldunordea) kroaziarrak, Praktiker-Vac (seigarrena Hungariako ligan), CSM Targu Jiu errumaniarra, Kobenhavn daniarra, MKS FunFloor Perla Lublin poloniarra, eta azkenik, Chambray Touraine HB (Frantziako ligako laugarren sailkatua). Horien aurka lagunartekoa jokatu du Bera Berak abuztuaren 4an, Gascan.
Zure interesekoa izan daiteke
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Imanol Alvarez: ''Defentsan egongo da gakoetako bat''
Super Amara Bera Berak Dijoni egingo dio bisita igandean, Europa Ligan aritzeko pasea lortzeko. Donostiako taldea 3 goleko errentarekin abiatuko da. Kruijswijk min hartuta dago, eta zalantzan dago parte hartzeko moduan izango den. Imanol Alvarezen ustez, defentsan egongo da gakoetako bat.
Anne Erauskin, Bera Berako jokalaria: ''Gakoa lasaitasuna mantentzea izango da''
Hiru goleko aldeari eutsi nahi dio Dijonen Super Amara Bera Berak, joaneko partidako abantaila aprobetxatzeko. Anne Erauskin jokalariak partidako gakoei buruz hitz egin du.
Bera Berak Beti Onak menderatu du derbian (27-30)
Nafarroako taldeak bigarren zati ona egin zuen arren, Donostiakoak izan ziren nagusi, hiru goleko aldeaz, Atarrabian jokatutako partidan.
Bera Berak lehen kolpea eman du Dijonen aurkako kanporaketan (22-19)
Donostiako taldeak 22-19 irabazi dio Dijon talde indartsuari, eta hiru goleko errenta izango du Frantzian jokatuko den itzuliko partida erabakigarrian.
Imanol Alvarez: ''Bi borrokaldi izango direla kontuan hartuta lehiatu behar dugu''
Super Amara Bera Berak Dijon Frantziako talde indartsuaren aurka jokatuko du larunbatean, etxean, EHF Europa Ligako multzoen fasera sailkatzeko kanporaketako joaneko partida. Imanol Alvarezek adierazi du haiek direla, a priori, faboritoak.
Maitane Etxeberria: ''Defentsarekin eta kontraerasora igota min egin dezakegula uste dut''
Super Amara Bera Berak Dijonen bisita hartuko du Gascan, larunbat honetan, EHF Ligako kanporaketetako joaneko partidan. Maitane Etxeberriak neurketa nola ikusten duen azaldu du elkarrizketa honetan.
Bera Berak Iberiar Superkopa irabaziz ekin dio denboraldi berriari
Euskal taldeak ezin hobeto ekin dio 2025-26 denboraldiari; astelehen arratsaldean aurkezpena egin du, Donostian.
Bera Berak erakustaldia emanda irabazi du Iberiar Superkopa
Donostiako taldea hasieratik bukaeraraino izan nagusi, eta 38-21 garaitu du Benfica, Anaitasunan jokatutako finalean, Iberiar Superkopa hirugarren urtez jarraian bereganatzeko.
Bera Berak gaur jokatuko du Iberiar Superkopako finala, Benficaren aurka
Finala Anaitasuna pabiloian jokatuko dute, 20:00etan, eta neurketa zuzenean emango dugu ETB4n eta eitb.eus atarian.