Bera Berak ezin izan du Elx gainditu Superkopako finalean (18-23)
Elx taldeak eskubaloiko emakumezkoen Espainiako lehen Superkopa lortu du larunbat honetan, bere historiako bigarren titulua, Super Amara Bera Berari nagusitasunez irabazi ondoren (18-23).
Partida zehaztugabetasun askorekin hasi da bi taldeen partetik, eta markagailua ez da mugitu ia bosgarren minutura arte, Gabriela Bitolok Elxeren aldeko lehen gola sartu duen arte.
Super Amara Bera Bera ez zegoen eroso pistan, Elxekoek lau goleko aldea (3-7) lortzeko aukera aprobetxatu dute lehen zatiko erdialdera iritsi aurretik. Vicente Trueba Torrelavegako harmailetan zaleen babesa izan arren, donostiarrek ez zuten aldeak murrizteko modurik aurkitzen.
Bere defentsa bikainari eta Gabriela Bitolok eta Beatriz Escribanok erasoan egindako lan bikainari esker, Elx finala bideratzen ari zen eta sei goleko aldearekin joan da aldageletara (8-14).
Atsedenaldiaren ostean, Super Amara Bera Berak intentsitate handiagoa izan du defentsan, baina behartu gabeko akats ugari egiten jarraitu du, eta bere ahaleginak ez du markagailuko aldea murriztea ekarri. Ondorioz, partida bukatzeko laurden bat falta zela, Elx taldeak zazpi tantoko aldea zuen (12-19).
Joaquin Rocamoraren jokalariek errenta mantentzen jakin dute, bukaerako minutuak lasai samar jokatzeko, eta, azkenerako 18 eta 23ko emaitzarekin bereganatu dute Espainiako Suerkopa, azken 11 hilabeteetan bereganatzen duten bigarren garaikurra, Erreginaren Kopa irabazi eta gero.
Fitxa teknikoa:
18 - Super Amara Bera Bera(8+10): Alice Fernández (atezaina), Esther Arrojería (-), Alba Menéndez (-), June Loidi (2), Eli Cesáreo (-), Maitane Etxeberría (1) eta O'Mullony (1) eta Adriana Cardoso (2+4p) -hasierako zazpikoa- Maddi Aalla (atezaina), Laura Hernández (-), Malena Cavo (1), Cristina Polonio (3) y Mirene Moreno (-), Mariane Fernandes (-), Emma Boada (3) eta Sara Gil (1).
23 – Elx (14+9): Nicole Morales (atezaina), Celia Guilabert (-), Beatriz Escribano (3), Lysa Tchapchet (3), Ivet Musons (3), Gabriela Bitolo (4+2p) y Clara Gascó (2) -hasierako zazpikoa- Paula Vicente (atezaina), África Sempere (2), Nuria Andreu (1) y Lucia Guilabert (-), Paola Bernabé (-), Patricia Méndez (-), Ekaterina Zhukova (2), María Flores (1) eta Giselle Menéndez (-).
Markagailua bost minutuero: 0-1, 2-5, 3-7, 5-8, 6-11, 8-14 (atsedenaldia) 9-14, 11-17, 12-19, 13-21, 15-22 y 18-23 (amaiera).
Zure interesekoa izan daiteke
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Imanol Alvarez: ''Defentsan egongo da gakoetako bat''
Super Amara Bera Berak Dijoni egingo dio bisita igandean, Europa Ligan aritzeko pasea lortzeko. Donostiako taldea 3 goleko errentarekin abiatuko da. Kruijswijk min hartuta dago, eta zalantzan dago parte hartzeko moduan izango den. Imanol Alvarezen ustez, defentsan egongo da gakoetako bat.
Anne Erauskin, Bera Berako jokalaria: ''Gakoa lasaitasuna mantentzea izango da''
Hiru goleko aldeari eutsi nahi dio Dijonen Super Amara Bera Berak, joaneko partidako abantaila aprobetxatzeko. Anne Erauskin jokalariak partidako gakoei buruz hitz egin du.
Bera Berak Beti Onak menderatu du derbian (27-30)
Nafarroako taldeak bigarren zati ona egin zuen arren, Donostiakoak izan ziren nagusi, hiru goleko aldeaz, Atarrabian jokatutako partidan.
Bera Berak lehen kolpea eman du Dijonen aurkako kanporaketan (22-19)
Donostiako taldeak 22-19 irabazi dio Dijon talde indartsuari, eta hiru goleko errenta izango du Frantzian jokatuko den itzuliko partida erabakigarrian.
Imanol Alvarez: ''Bi borrokaldi izango direla kontuan hartuta lehiatu behar dugu''
Super Amara Bera Berak Dijon Frantziako talde indartsuaren aurka jokatuko du larunbatean, etxean, EHF Europa Ligako multzoen fasera sailkatzeko kanporaketako joaneko partida. Imanol Alvarezek adierazi du haiek direla, a priori, faboritoak.
Maitane Etxeberria: ''Defentsarekin eta kontraerasora igota min egin dezakegula uste dut''
Super Amara Bera Berak Dijonen bisita hartuko du Gascan, larunbat honetan, EHF Ligako kanporaketetako joaneko partidan. Maitane Etxeberriak neurketa nola ikusten duen azaldu du elkarrizketa honetan.
Bera Berak Iberiar Superkopa irabaziz ekin dio denboraldi berriari
Euskal taldeak ezin hobeto ekin dio 2025-26 denboraldiari; astelehen arratsaldean aurkezpena egin du, Donostian.
Bera Berak erakustaldia emanda irabazi du Iberiar Superkopa
Donostiako taldea hasieratik bukaeraraino izan nagusi, eta 38-21 garaitu du Benfica, Anaitasunan jokatutako finalean, Iberiar Superkopa hirugarren urtez jarraian bereganatzeko.
Bera Berak gaur jokatuko du Iberiar Superkopako finala, Benficaren aurka
Finala Anaitasuna pabiloian jokatuko dute, 20:00etan, eta neurketa zuzenean emango dugu ETB4n eta eitb.eus atarian.