Helvetia Anaitasunak Kisseleven itzulera iragarri du
Helvetia Anaitasunak taldea indartu duela iragarri du ostegun honetan, Oleg Kisselev fitxatu baitu ikasturte amaierara arte. Quique Domingezek gidatzen duen lantaldearen erabakia izan da, lehiakortasuna sendotzeko asmoz.
Ezker hegaleko jokalaria (26 urte) libre iritsiko da Iruñera, kanpoaldeko ezker lotailu gurutzatua hautsi baino lehen Logroñon jokatzen ibili eta gero. Defentsan espezialista da Kisselev, eta Loyola Eskubaloi taldeak ekin zion bere ibilbideari.
16 urte zituela, Helvetia Anaitasunako jubenil mailako taldean hasi zen. Handik urte batzuetara, Asobal Ligan egin zuen debuta, Villa de Arandaren kontrako partida batean. Europako lehiaketan ere minutuak izan zituen klub nafarrean. Horrez gain, ohiko jokalaria izan zen Espainiako selekzioko behe kategorietan.
2017an, Navara joan zen, utzita; 2020an, berriz, Ademar Leon taldearekin bat egin zuen. Urtebete geroago, Logroñorako bidea hartu zuen. Bi taldeetan Europan lehiatzeko aukera izan zuen. Orain, lesioari buelta emanda, Anaitasunara itzuli da Kisselev, maila gorena erakusteko.
Oleg Kisselev, 199 zentrimetroko luzera eta 100 kiloko pisua izanda, defentsan duen indarragatik nabarmentzen da. Halaber, ondo jaurtitzen du kanpoaldetik. Fitxaketa horrekin, defentsa indartzeaz gain, lehen lerroa bultzatu nahi du Anaitasunak, 2023/2024 denboraldiko bigarren zatiari begira.
Zure interesekoa izan daiteke
Lucia Pradesek Bera Berarekin berritu du, 2028ra arte; eta Micak, Macak eta Ayelenek Beti-Onaken jarraituko dute, 2027ra arte
Donostiako taldeko atezainak bi denboraldiz luzatu du klubarekin lotzen zuen kontratua; 2024an iritsi zen Gipuzkoara. Nafarroako taldeko lehenengo lerroko hiru jokalariek, ordea, 2026-2027 denboraldiko amaierara arte jokatuko dute Atarrabiako klubean.
Miguel Etxeberria, Beti Onak taldearen entrenatzailea: “Baloratua sentitzen naiz, babestua”
Miguel Etxeberriak Replasa Beti Onak taldearen entrenatzaile izaten jarraituko du 2026-2027 denboraldian. Hortaz, zortzigarren denboraldia egingo du talde nafarra zuzentzen, eta "oso pozik, indartsu eta ilusioz" dagoela azpimarratu du. (Bideoa, gazteleraz)
Miguel Etxeberriak Beti-Onak taldearekin berritu du, 2026-2027 denboraldirako
Hala, Etxeberriak, gutxienez, zortzi denboraldi jarraian emango ditu Nafarroako taldearen entrenatzaile.
Super Amara Bera Berak irabazi du Replasa Beti-Onak taldearen aurkako euskal derbia (31-25)
Etxekoak aurretik joan dira hasieratik, eta aurkariek baino hobeto kudeatu dute partida.
Xavi Tuak kontratua luzatu du 2027ra arte
Jokalari kataluniarrak 25 partida jokatu eta 64 gol sartu ditu, taldeari ekarpen nabarmena eginez.
Bidasoa Irunek Leo Maciel berritu du 2027ra arte eta Nacho Vallesen irteera iragarri du
Talde gipuzkoarrak atezainari eta lehen lerroari eragiten dieten bi aldaketa baieztatu ditu azken egunotan bere jokalarien artean. Berrikuntza eta baja garrantzitsuak izango ditu datorren denboraldiari begira.
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.