Iturbe eta Herran Euskadiko txapeldun, Gasteizko Maratoi Erdia irabazita
Onditz Iturbe eta Urko Herran izan dira azkarrenak Gasteizko Maratoi Erdian. Orotara, 2.500 kirolari baino gehiago bildu dira bertan ibilbideko 21 kilometroak betetzeko.
Goiza hotza izan da Gasteiz aldean eta zirkuitua gorabehera handirik gabekoa, marka onak egiteko aproposa. Helmugan, LEA La Blanca taldeko Urko Herran izan da lehena, 1:06:34ko denborarekin. Garaipen honi esker, Euskadiko eta Arabako txapelak jantzi ditu. 1:26ra Carles Montllor iritsi da eta hirugarren postuan, berriz, Iker Ortiz de Zarate, 1:31ra.
Emakumezkoen lasterketan, eta garaipena Maite Arraizak eramango zuela zirudienean, Bilbao taldeko atletak lasterketa utzi behar izan du. Ondorioz, lehen postua Onditz Iturbe taldekideak lortu du, 1:18:47ko denborarekin. Garaipen honekin, Euskadiko txapelketa ere irabazi du Iturbek.
Arrate Mintegi triatletak ere lasterketa ona egin du eta bigarren izan da helmugan. Berarentzat izan da Arabako txapelketa, 1:21:04ko denbora eginda.
Maite Maiora mendi korrikalaria, Skyrunningeko munduko txapelduna eta Hiru Handiak lasterketako azken irabazlea, marka berria ezarrita gainera, hirugarren izan da
Zure interesekoa izan daiteke
Allyson Felix atletismora itzuliko da, 40 urterekin, Los Angelesen 2028an lehiatzen saiatzeko
2022an erretiroa hartu zuen zen atletak 11 olinpiar domina dauzka bere palmaresean.
?fmt=webp-alpha&qlt=80)
Martin Fiz, Sebastian Sawek marka berria ezarri ondoren: “Aro berri baten hasiera da"
"Duela 30 urte ez nuen imajinatuko, ni bizirik nagoela, inork bat bi ordu baino gutxiago beharko zuenik maratoi ofizial bat egiteko", onartu du Martin Fiz gasteiztarrak, 1995ean Goteborgen maratoiko munduko txapeldun izandakoak. Arabarrak uste du osagai guztiak batu direla: lehen mailako atletak, oinetakoen bilakaera, eta elikadura eta hidratazio pertsonalizatua.
Sabastian Sawek eta Tigst Assefak errekorrak hautsi dituzte Londresko maratoian
Sawe bi orduetatik jaitsi da, maratoi ofizial batean munduko errekorra gaindituz, eta Assefak bere marka hautsi du.
Behobia-Donostia lasterketarako dortsalen zozketa: 41.533 atleta eta 17.287 plaza
Izena emateko epea bukatuta, antolatzaileek apirilaren 29an egingo dute Behobia-Donostia lasterketan parte hartzeko dortsalen zozketa. Maratoi erdia azaroaren 8an lehiatuko da.
Behobia-Donostia lasterketak apirilaren 14an irekiko du bere 61. edizioko dortsalen zozketarako erregistroa
Inskripzio epea apirilaren 22aren arratseraino egonen da irekita
Markel Fernandez: “Domina egindako lanaren erakusgarri da”
Paula Sevilla, David Garcia Zurita eta Blanca Hervasekin batera, zilarrezko domina eskuratu berri du Markel Fernandez atleta bizkaitarrak Torunen, Polonian, Munduko Indoor Atletismo Txapelketan. Nola sentitzen den kontatu du, Euskal Herrira iritsi ostean egindako elkarrizketan.
Markel Fernandezek zilarra irabazi du 400 metroko 4 erreleboko proba mistoan
Sopelako atletak, Paula Sevilla, David Garcia eta Blanca Hervasekin batera, lasterketa bikaina egin du eta Espainiako errekorra hautsi du.
Asier Martinez, 60 metroko hesidun probaren finalerdietan
Nafarroako atleta pista estaliko atletismoko munduko txapelketako finalerdietarako sailkatu da, 7,65 segundoko markari esker, eta bere sasoi onenean jarraitzen duela erakutsi du.
Duplantisek munduko marka hautsi du berriro 6,31 metrotik gora salto eginda
Hamalaugarren aldia da 26 urteko suediarrak munduko errekorra hobetzen duela, 2020ko otsailean 6,17 metroko jauzia egin ostean lehen marka unibertsala hautsi zuenetik.
Ander Garaiarrek 20 urtez azpikoen munduko errekorra hautsi du 4x100 errelebo mistoan
Esprinter gipuzkoarrak proba honetan erregistratutako markarik onena lortu du, Madrilgo eta Nafarroako atletez osatutako laukotearekin batera, asteburu honetan Katalunian egindako lehiaketa batean.