Arraun Lagunakek ez du hutsik egin, eta III. Sestaoko Bandera eskuratu du
Arraun Lagunakek irabazi du Sestaoko Udalaren Bandera, Euskotren Ligako seigarren jardunaldiko estropada. Ohorezko txandan, Donostiarra, Hondarribia, Orio eta Arraun Lagunak aritu dira, baina ez da ezustekorik izan. Arraun Lagunak errenta zabaltzen joan da, eta 10 minutu eta 22 segundo behar izan ditu estropada amaitzeko, Orio (+9.08), Donostiarra (+9.24) eta Hondarribiaren (+16.20) aurretik.
Arraun Lagunak taldeak gogor ekin dio, eta lehen ziabogan gutxienez bost segundora zituen aurkariak. Bigarren luzean, berriz, errenta handitu du, eta 10 minutu eta 22 segundoan gelditu du erlojupekoa. Bigarren posturako lehia, aldiz, oso zirraragarria izan da, eta azkenera arte borrokatua.
Bestalde, lehenengo txandan, Tolosaldea, Hibaika, Cabo eta Tiran aritu dira. Tolosaldeak bederatzi segundoko abantaila lortu du lehen ziabogan, eta gainerako traineruak nahiko parekatuta ibili dira. Azkenean, Tolosaldeak 10 minutu eta 43 segundoan amaitu du lana, Hibaika (+19), Tiran (+27.04) eta Caboren (+27.56) aurretik.
Gauzak horrela, Arraun Lagunakek segitzen du Euskotren Ligako sailkapen nagusiaren gorenean, 48 punturekin, eta Tiran dago jaitsiera postuan, 8 punturekin.
Zure interesekoa izan daiteke
Etxabe, larunbatean gertatutakoari buruz: “Erabakirik zuzenena hartu zen, han ez zegoen girorik arraunean egiteko"
"Pertsonalki, oso harro nago hartutako erabakiarekin", adierazi du Arraun Lagunaken entrenatzaileak, iragan larunbatean, Donostian, bertan behera utzitako estropadari buruz. "Zigorra etortzen bada ere, harro hartuko dut, oso lasai egin dut lo". San Juanen jarrerari buruz: "Beti dago... Ez dut esango ardi beltz bat... Baina azalpenak eman beharko dituzte".
Xubane Uribarrena: “Talde honek zerbait baldin badauka, hori burua da”
Arraun Lagunakeko arraunlariak Getxoko estropadan bizitakoa azaldu du. Bere taldeak lan ona egin duela uste du eta arraunlarien kontzentrazioa goraipatu du. Atzo Donostian izan zen polemikaz ere hitz egin nahi izan du eta oso argi utzi du bere iritzia.
Itziar Eguren, hunkituta: “Enarek ez diote behin ere hegan egiteari uzten"
Arraun Lagunakek irabazi du Bueuko II. Bandeira, eta Euskotren Ligako lidergoa sendotu du. Denboraldiko zazpigarren garaipen honekin, 'Lugañene' ontziak estropada-eremuko errekor berria ezarri du kronometroa 10:25ean geldituta. Itziar Eguren presidenteak, oso hunkituta, zera adierazi du: “Enarek ez diote behin ere hegan egiteari uzten”.
Itziar Eguren: “Gauzak ondo eginda, ez dago sabairik"
Arraun Lagunakeko presidenteak "batuta" ikusten du bere taldea eta nesken lana goraipatu du. Dena irabazten ari dira eta, ondo lan eginda, ez dagoela "sabairik" nabarmendu du.
Xubane Uribarrena: “Normalean, asko kostatzen zaigu Orion irabaztea"
Xubane Uribarrena Arraun Lagunakeko arraunlariak Orio Kanpina Banderan lortutako garaipenaz hitz egin du. Beti kostatzen zaien estropada dela adierazi du, baina lan ona eginez garaitu dutela.
Arraun Lagunaken estropada Orio Kanpina Banderan, minikameratik ikusita
Donostiako ontziak Euskotren Ligako bosgarren jardunaldian irabazitako estropada, ontzi barruko minikameratik ikusita.
Nagore Osoro: “Gauza asko entzuten dira, eta garaipenarekin lasaiago egingo dugu lo"
Arran Lagunakeko patroia pozik agertu da Castroko CaixaBank Bandera irabazi ondoren. Itsaso zakarrarekin, estropada ona egin dutela adierazi du, eta ez dutela "errekan bakarrik" arraun egiten erakutsi dutela.
Arraun Lagunaken azken metroak Petronor Banderan, ontzi barrutik ikusita
Arraun Lagunak taldeak hirugarren garaipena lortu du jarraian Euskotren Ligako lehenengo jardunaldietan. Hauek dira Petronor Banderaren azken metroak, Donostiako ontzi barruko minikameratik ikusita.
Amaia Eguren: “Nire estrenoa izan da Euskotren Ligan eta kriston 'subidoiakin' nago"
Arraun Lagunakek sendo jarraitzen du Euskotren Ligako lidergoan denboraldiko aurreneko hiru estropadak irabazita.
Arraun Lagunaken azken metroak Bilboko Banderan
Arraun Lagunak nagusi izan da Bilboko Banderan ere, 2026ko Euskotren Ligako bigarren bandera bereganatuz. 6 segundoko aldea atera dio helmugan Tolosaldeari, eta 10 segundokoa Hibaikari. Ikusi hemen nolakoak izan diren Lugañenekoen azken metroak.