EITB Mediak eta TKEk datozen bost urteetarako berritu dute aliantza
Sinadura honen bidez, ikus-entzunezko talde publikoak Traineru Kluben Elkarteak antolatzen dituen Eusko Label Ligaren eta Euskotren Ligaren irudi eskubideak bereganatu ditu.
Borja Rodrigo TKEko presidentea, EITB Mediako Joseba Urkiola eta Amane Ibañezekin batera. Argazkia: TKE
Traineru Kluben Elkarteak (TKE) eta Euskal Irrati Telebistak (EITB) igande honetan sinatu dute datozen bost denboraldietarako lankidetza hitzarmena. Ekitaldia Portugaleten egin dute, 2026ko denboraldiaren azken jardunaldiaren atarian.
Borja Rodrigo TKEko presidenteak, Joseba Urkiola EITB Mediako zuzendariordeak eta Amane Ibañez EITB Mediako Kirol zuzendariak sinatu dute hitzarmena. Horren bidez, EITBk TKEk antolatzen dituen Eusko Label Ligaren eta Euskotren Ligaren irudi eskubideak bereganatu ditu.
Hitzarmen horri esker, EITBk arraunarekin duen konpromisoa berretsi du eta estropadak zabaltzeko leiho nagusi gisa duen posizioa sendotu du, proben emankizuna eta jarraipena bermatuz ETB1en, Euskadi Irratian, Radio Euskadin eta ETB ONen.
Zure interesekoa izan daiteke
Honela altxatu du Oriok 2026ko Eusko Label Ligako koroa
Pello Lopez: “Uda ona eginda, berandu iritsi zaigu garaipena"
Zierbenak azken estropadan lortu du bandera
Iker Gimeno eta Garikoitz Uranga, zoriontsu eta hunkituta Eusko Label Ligarako txartela eskuratuta
Deustu eta Zarautz, Eusko Label Ligara!
Miren Garmendia eta Nahikari Osa, pozez gainezka Euskotren Ligarako txartela lortuta
Deustu izan da azkarrena Bermeon, Eusko Label Ligako play-offetan
Hondarribiak hartu du abantaila Euskotren Ligako play-offean, eta Donostiarrak denbora asko galdu du
