Dena prest Euskotren eta Eusko Label ligei ekiteko
Bermeo Urdaibai eta Orio dira Eusko Label eta Euskotren ligetako egungo txapeldunak hurrenez hurren, eta, aurten, 2022an lortutako tituluak defendatuko dituzte. 2023 denboraldia uztailaren 1ean hasiko da Galizian, A Coruñako VII Banderarekin.
Euskotren zein Eusko Label ligetako estropada guztiak zuzenean eskainiko dituzte eitb.eus-ek, Euskal Telebistak (ETB), Euskadi Irratiak eta Radio Euskadik.
Hastear den sasoirako faboritoak dira Bou Bizkaia' eta 'San Nikolas' traineuruak. Iazko txapeldunek titulua berrestea izango dute helburu. Gizonezkoen mailan irailaren 17an amaituko da Eusko Label Liga; emakumezkoenean, aldiz, abuztuaren 20an. Gainera, emakumeen mailan denboraldia historikoa izango da, zortzi traineru ariko baitira lehian, eta iaz lau bakarrik ibili ziren nor baino nor gehiago.
Eusko Label Ligan Hondarribia eta Donostiarra izango dira Urdaibairi aurre egiteko hautagai nagusiak, eta Orio da faboritoa ohorezko txanda osatzeko, baina Getaria eta Kaiku ere lehia horretan egongo dira. Bestalde, Zierbena, Santurtzi eta Cabo da Cruz taldeek entrenatzaile berriak izango dituzte, eta ikusi egin beharko da zer moduz modaltzen diren.
Azken postuak maila galtzea dakar, eta azken-aurrekoak mailari eusteko play-offa jokatzea. Hala, bada, horiexek saihestea izango dute helburu Ondarroak, Lekittarrak eta Samertolameuk.
Euskotren Ligan, aldiz, Orio da txapelketa irabazteko faborito nagusia. Ikusteke dago Cabo eta Tiran galiziarren gaitasuna, eta Donostia Arraun Lagunak ere oriotarren aurkari nagusietako bat izango da. Gainera, Donostiarrak onenen artean egotea du jomuga. Tolosaldeak, iaz ere Euskotren Ligan egon zenak, eta Hondarribia zein Hibaika igo berriek osatuko dute 2023ko Euskotren Liga.
Guztira, 14 estropada izango ditu Euskotren Ligak, eta txapelketa abuztuaren 20an amaituko da, Zarautzen. Eusko Label Ligak, ordea, 20 estropada izango ditu, eta iraileko hirugarren asteburuan amaituko da Bermeoko eta Portugaleteko jardunaldiekin.
Zure interesekoa izan daiteke
“Kontxa Hondotik”: ziabogak zuzen egin eta olatuak ondo hartu
Badira zenbait egoera traineru batean talde-lan estua eskatzen dutenak, horietako bi ziabogak ondo ematea eta olatuak norberaren alde aprobetxatzen jakitea dira. Batek zein besteak arraunlarien eta patroiaren arteko koordinazio egokia eskatzen dute.
“Kontxa Hondotik”: nola eragiten du haizeak Kontxan?
Kontxako Bandera jokatzen den garaian, hiru haize mota izaten dira gure kostaldeetan: hego-haizea, ipar-ekialdekoa eta ipar-mendebaldekoa. Adi haiei buruzko Ibon Gaztañazpiren azalpenei, bakoitzak era desberdinean baldintza baitezakete traineruen jarduna Kontxako Banderan.
“Kontxa Hondotik": olatuen aurkako borroka
Olatuek dantza izugarria eragiten dute traineruetan: arraunlariek, besteak beste, kolpeak jasotzen dituzte, eta lan handiak ekartzen dizkiete olatuen aurka aritzeak. Alabaina, okerrena traineruan ura sartzea da, eta egoera hori eragozteko badira zenbait baliabide. Ibon Gaztañazpik horien berri ematen digu bideo honetan.
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.
Arraunlariak leher eginda Kontxako Banderaren lehen jardunaldiaren amaieran
Kontxako Banderaren moduko estropadetan, arraunlariek ahalegin oso handia egin behar izaten dute, traineruak helmugaratu eta berehala ikusten denez. Horren erakusgarri dira Hibaika, Donostiarra (gizonezkoen proban), Arraun Lagunak eta Orio (gizonezkoen proban) traineruen irudiak estropada amaitu ostean.