Jonas Vingegaardek irabazi du Paris-Niza, eta Lenny Martinezek azken etapa
Vingeggardek bere 45. garaipena lortu du, denboraldiko hirugarrena.
Martinez eta Vingegaard helmugan. Argazkia: EFE
Jonas Vingegaard (Visma - Lease a Bike) danimarkarrak irabazi du Paris-Nizaren 84. edizioa, zortzigarren eta azken etapa lehiatuta. 129,2 kilometroko ibilbidea izan du, Kosta Urdineko hiriburuan hasi eta bukatu dena, eta Lenny Martinez (Bahrain) frantziarra nagusitu da.
Vingeggardek bere ibilbideko 45. garaipena eta denboraldiko hirugarrena lortu ditu. Azken etapan, buruz burukoa izan du Lenny Martinezekin, eta azken horrek esprintean irabazi dio, 3 ordu, 6 minutu eta 43 segundoko denbora eginda helmugaratuta.
Sailkapen nagusian, Vingegaard igo da podiumeko maila gorenera, Daniel Felipe (bigarren) eta Georg Steinhauser (hirugarren) ondoan zituela. Bestalde, Ion Izagirrek (Cofidis) zazpigarren bukatu du, 9 minutu eta 19 segundora.
Linguadorko igoeran, faboritoek Paret Peintreren ihesa baliogabetu dute, Vismak agintea hartu du eguneko azken mendate puntuagarrian, eta Vingegaard bakarrik geratu da buruan, Lenny Martinezekin batera. Ion Izagirre, Vauquelin, Tejada eta Steinhauserren taldeak 35 segundo galdu ditu.
Behin eta berriro Vingegaard atzean uzten saiatu ondoren, Lennyk daniarraren hirugarren garaipena saihestu du, urrutitik hasitako esprint batean nagusituta. 10. garaipena lortu du horrela profesional gisa, denboraldiko lehena.
Zure interesekoa izan daiteke
8. etapako garailea esprint estuan erabaki da
Lenny Martinezek eta Jonas Vingegaardek batera egin dituzte Paris-Nizako 8. etapako azken kilometroak, baina biek nahi izan dute garaipena eskuratu. Azken esprintean, frantziarra nagusitu da.
Del Torok Tirreno-Adriaticoko hiruhortza irabazi du
'Bi Itsasoen arteko lasterketa" irabazi duen lehen mexikarra da. Zazpigarren eta azken etapa, berriz, Jonathan Milanek eskuratu du.
Del Toro nagusitu da Camerinoko igoeran, eta lidertza sendotu du
Mexikarrak (UAE) erasoa jo du Muro della Madonna delle Carceriren azken igoeran, eta Jorgenson (Visma) eta Pellizzari (BORA) txirrindulariekiko aldea handitu du.
Dorian Godon frantziarra nagusitu da Isolako minietapan; Vingegaardek lider jarraitzen du
Etapa 47 kilometrora murriztu dute eguraldi txarragatik, eta Pont Louis Nucera eta Isola artean jokatu dute.
Paris-Nizako 7. etapak 47 km bakarrik izango ditu eguraldi txarragatik
Gaurko irteera eguerdirako aurreikusita zegoen, baina antolatzaileek ibilbidea murriztea erabaki dute bigarren egunez jarraian. Txirrindulariak taldeen autobusetara itzuli dira, eta 13:45ean abiatuko dira, Isolako helmugatik 47 kilometrora.
Harold Tejadaren ihesaldia 6. etapako azken kilometroetan
Harold Tejada kolonbiarrak erasoa jo du helmugatik 5 kilometro baino gutxiagora eta tropelarekiko sei segundoko abantailarekin iritsi da helmugara.
Tejadak irabazi du Paris-Nizako seigarren etapa, eta Vingegaardek lidergoari eutsi dio
Joshua Tarling, Igor Arrieta, Steff Cras eta Arthur Kluckers txirrindulariek osatutako taldeak egindako ihesaldia helmugarako bost kilometro falta zirela harrapatu du tropelak, eta Tejada aurreratu da azken metroetan.
Valgrenek irabazi du etapa, eta Del Toro lider jarri da berriro
Isaac del Torok (UAE) liderraren elastikoa berreskuratu du Michael Valgren danimarkarra (EF-Education) nagusitu den etapan.
Euskaltel-Euskadik Taiwango Tourra jokatuko du igandetik
Iaz Hennequinek etapa garaipen bat lortu zuen lasterketa horretan, eta Jordi Lopez hirugarren izan zen sailkapen nagusian.