Moschettik irabazi du Burgosko Itzuliko 2. etapa
Matteo Moschettik (Q36.5 Pro Cycling) irabazi du 2025eko Burgosko Itzuliko bigarren etapa, Cilleruelo de Abajo eta Buniel artean jokatu dena, eta 161.6 kilometroko ibilbidea izan duena. Roger Adriak (Red Bull-Bora-hansgrohe) liderraren maillotari eutsi dio.
Fotofinisha behar izan duen esprintean nagusitu da Moschetti. Esprinta oso estua izan da, baina, azkenean, txirrindulari italiarrak bereganatu du garaipena. Matteo Malucelli (XDS Astana) izan da bigarren, eta Juan Sebastian Molano (UAE Emirates-XRG), hirugarren.
Euskal ziklistak protagonista izan dira etapan; izan ere, Txomin Juaristi (Euskaltel Euskadi), Iker Mintegi (Euskaltel Euskadi) eta Ander Okamika (Burgos Burpellet BH) eguneko ihesaldian egon dira, Pau Llanerasekin (Illes Balears Arabay) batera. Helmugarako 18 kilometro falta zirenean Llanerasek etsi egin du, eta euskal hirukotea geratu da lasterketaren buruan; hala ere, tropelak harrapatu egin ditu Okamika, Mintegi eta Juaristi amaierarako zortzi kilometro falta zirenean. Hala, bada, etapa esprintean erabaki da, eta Moschetti izan da onena.
Sailkapen nagusiari dagokionez, Roger Adriak jarraitzen du lehen postuan, Jordan Labrosse (Dectahlon-AG2R-La Mondiale) da bigarren, lau segundora, eta Alfonso Eulalio (Bahrain Victorious) hirugarren, liderra 10 segundora duela.
Etapako sailkapena:
1 - Moschetti Matteo (Q36.5)3:37:05
2 - Malucelli Matteo (XDS Astana) d. b.
3 - Molano Juan Sebastián (UAE) d. b.
4 - Blikra Erlend (Uno-X) d. b.
5 - Gautherat Pierre (Decathlon) d. b.
6 - Lonardi Giovanni (Polti) d. b.
7 - Lamperti Luke (Soudal) d. b.
8 - Brustenga Marc (Kern Pharma) d. b.
9 - Pollefliet Gianluca (Decathlon) d. b.
10 -Alvarez Héctor (Lidl) d. b.
Sailkapen nagusia:
1 - Adrià Roger (Red Bull) 8:26:41
2 - Labrosse Jordan (Decathlon) +0:04
3 - Eulálio Afonso (Bahrain) +0:10
4 - Caruso Damiano (Bahrain) +0:14
5 - Bisiaux Léo (Decathlon) d. b.
6 - Christen Fabio (Q36.5) +0:17
7 - Eriksson Lucas (Tudor) d. b.
8 - Ryan Archie (EF Education) d. b.
9 - Bernal Egan (INEOS) d. b.
10 - Romo Javier (Movistar) +0:20
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.