Andrea Vendrame gailendu da Colfioriton eta Gannak jarraitzen du Tirreno-Adriatico lasterketako lidertzan
Andrea Vendramek (Decathlon AG2R La Mondiale) irabazi du Tirreno-Adriatico lasterketako hirugarren etapa, Follonica eta Colfiorito artean egin dena, 239 kilometroko ibilbidea eginda. Filippo Gannak (INEOS Grenadiers) jarraitzen du sailkapen nagusiko lehen postuan.
Davide Bais (Polti-VisitMalta) eta Lorenzo Conforti (VS Group-Bardiani CSF-Faizané) izan dira eguneko lehen ihesaldiko protagonistak. Hala ere, haien saiakerak ez du arrakastarik izan, helmugarako 139 kilometro falta zirenean harrapatu baitituzte.
Ondoren, Dries De Bondt (Decathlon AG2R La Mondiale Team) eta Andrea Pietrobon (Polti VisitMalta) txirrindulariek egin dute jauzi tropeletik, baina tropelak harrapatu egin ditu helmugarako 10 kilometro falta zirenean.
Azken txanpan, Jonathan Milanek (Lidl-Trek), 2. etapako irabazleak, erorikoa izan du, garaipenaren lehiatik at geratu da. Amaierarako hiru kilometro falta zirenean, Filippo Gannak erasoa jo du; Van der Poelek (Alpecin-Deceuninck), ordea, itxi egin du liderrak irekitako zuloa, eta behin tropela bateratu ostean, Vendramek garaipena lortu du. Thiomas Pidcock (Q36.5 Pro) izan da bigarren eta Romain Gregoire (Groupama-FDJ) hirugarren.
Sailkapen nagusiaren buruan da Filippo Ganna, Juan Ayuso (UAE Emirates) bigarrenarekiko 22 segundoko abantailarekin eta Antonio Tiberi (Bahrain Victorious) hirugarrenarekiko 29 segundoko errentarekin.
3. etapako sailkapena:
1 - VENDRAME Andrea (Decathlon) 28:25
2 - PIDCOCK Thomas (Q36.5) d. b.
3 - GREGOIRE Romain (Groupama) d. b.
4 - PLUIMERS Rick (Tudor) d. b.
5 - ADRIA Roger (Red Bull) d. b.
Sailkapen nagusia:
1 - GANNA Filippo (INEOS) 11:25:55
2 - AYUSO Juan (UAE) +0:22
3 - TIBERI Antonio (Bahrain) +0:29
4 - GEE Derek (Israel) +0:34
5 - CATTANEO Mattia (Souda) +0:36
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.