Diego Uriarte nafarrak garaipen handia lortu du Andaluziako Itzulian
Diego Uriarte Kern Pharma taldeko txirrindulariak irabazi du Andaluziako Itzuliko 4. etapa, Kordoba eta Alhaurin de la Torre (Malaga) artean lehiatu dena. Beste hainbat txirrindularirekin batera ia jardunaldi osoa ihes eginda eman eta gero, erasoa jo du etapa amaitzeko bi kilometro baino gutxiago falta zirenean, eta bakarka iritsi da helmugara. Profesional gisa lortu duen lehen garaipena du.
Pavel Sivakov (UAE Emirates) frantziarrak lider jarraitzen du, Clement Berthet (+23) eta Thomas Pidcock (+26) atzetik dituela. Itzulia igandean amaituko da, Linea de la Concepcionen (Cadiz).
Larunbat honetako etaparen hasieran, 14 txirrindulari ihesean joan dira: Callum Scotson, Jorge Arcas, Welay Hagos, Connor Swift, Emil Liepins, Alan Jousseaume, Zen Kyffin, Joel Nicolau, Tobias Johannessen, Toon Clynhens, Sebastian Berwick, Danny van der Tuuk, Mario Aparicio eta Diego Uriarte nafarra.
Inor ez zen arriskutsua sailkapen nagusiari begira, eta, horrenbestez, UAEk ez du aparteko ahaleginik egin ihesaldia behera botatzeko.
Helmugarako 15 kilometroren faltan, iheslariek bost minutuko aldea zutenean, 14ko taldea seikote bilakatu da: Connor Swift (Ineos), Danny Van der Tuuk (Euskaltel), Alan Jousseaume (TotalEnergies), Callum Scotson (Decathlon AG2R), Sebastian Berwick (Caja Rural- Seguros RGA) eta Diego Uriarte (Ken Pharma).
Talde horretan azkarrenak Swift eta Scotson zirela kontuan hartuta, Uriartek erasoa jo du helmugatik kilometro bat eta 800 metrora zeudenean, eta ezustean harrapatu ditu iheskideak.
Atzera begiratu gabe, aurrera egin du kemen handiz. Atzean ez dira ados jarri, eta horrek konfiantza eman dio txirrindulari nafarrari balentria egiteko. Helmuga bakarka zeharkatu du, eta bere palmaresa estreinatzeko garaipena bereganatu du.
Alan Jousseaume eta Connor Swif izan dira bigarren eta hirugarren, hurrenez hurren, bederatzi segundora. Tropela 4 minutu eta 32 segundora helmugaratu da.
4. ETAPAKO SAILKAPENA
1.- URIARTE Diego (Kern Pharma) 4:07:21
2.- JOUSSEAUME Alan (TotalEnergies) +0:09
3.- SWIFT Connor (INEOS) d. b.
4.- SCOTSON Callum (AG2R) d. b.
5.- BERWICK Sebastian (Caja Rural) d. b.
6.- VAN DER TUUK Danny (Euskaltel-Euskadi) +0:16
7.- BERHE Welay Hagos (Jayco) d. b.
8.- JOHANNESSEN Anders Halland (Uno-X) d. b.
9.- LIEPINŠ Emils (Q36.5) d. b.
10.- ARCAS Jorge (Movistar) +0:26
SAILKAPEN NAGUSIA
1.- SIVAKOV Pavel (UAE) 15:44:59
2.- BERTHET Clément (Decathlon) +0:23
3.- PIDCOCK Thomas (Q36.5) +0:26
4.- VAN GILS Maxim (Red Bull) +0:59
5.- WELLENS Tim (UAE) +1:03
6.- SOLER Marc (UAE) +1:35
7.- CRAS Steff (TotalEnergies) +1:42
8.- HOELGAARD Markus (Uno-X) +2:41
9.- STAUNE-MITTET Johannes (AG2R) +2:43
10.- PRODHOMME Nicolas (AG2R) +3:02
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.