Tim Wellensek irabazi du Poloniako Tourreko erlojupekoa, eta Jonas Vingegaardek maillot horia eskuratu du
UAE Emirates taldeko Tim Wellens txirrindulari belgikarrak irabazi du 2024ko Poloniako Tourreko bigarren etapa, alegia, 15,4 kilometroko banakako erlojupekoa; halaber, Visma-Lease a bike taldeko Jonas Vingegaard ziklista danimarkarra sailkapen nagusiko aurreneko postura igo da, eta Lidl-Trekeko Thibau Nysek zuen maillot horia jantzi du.
Wellens, etapan, bigarren denborarik onena egin duen Vingegaard baino bederatzi segundo azkarrago ibili da. Gainera, Wilco Kelderman Vingegaarden taldekidea bigarren dabil sailkapen nagusian, eta 24 segundora du danimarkarra.
Lasterketan dabiltzan bi euskal txirrindulariei dagokienez, Q36.5 taldeko Xabier Mikel Azparrenek 1:49 galdu du, eta Bahrain Victoriouseko Pello Bilbaok, aldiz, 3:49.
Asteazkenean, 2024ko Poloniako Tourrak hirugarren etapa jarriko du jokoan; 156,5eko ibilbidea izango du horrek, Walbrzychen hasiko da, eta Duszniki-Zdrojen amaitu.
Etapako sailkapena
1 - WELLENS Tim (UAE) 23:59
2 - VINGEGAARD Jonas (Visma) + 0:09
3 - GROBSCHARTNER Felix (UAE) + 0:15
4 - ONLEY Oscar (DSM) m. t.
5 - SCHACHMANN Maximilian (Red Bull) + 0:21
6 - ULISSI Diego (UAE) + 0:34
7 - SHEFFIELD Magnus (INEOS) + 0:39
8 - GARCIA PIERNA Raúl (Arkea) + 0:40
9 - CHRISTEN Jan (UAE) + 0:41
10 - GREGOIRE Romain (Groupama) + 0:42
Sailkapen nagusia
1 - VINGEGAARD Jonas (Visma) 4:01:27
2 - KELDERMAN Wilco (Visma) + 0:24
3 - ULISSI Diego (UAE) + 0:25
4 - GREGOIRE Romain (Groupama) + 0:33
5 - SHEFFIELD Magnus (INEOS) + 0:37
6 - ZAMBANINI Edoardo (Bahrain) + 0:45
7 - VOISARD Yannis (Tudor) + 0:49
8 - MOHORIC Matej (Bahrain) d. b.
9 - HONORE Mikkel Frolich (EF Education) d. b.
10 - GROBSCHARTNER Felix (UAE) + 0:50
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.