Impeyk irabazi du laugarren etapa eta Williamsek lidergoari eutsi dio
Daryl Impeyk (Israel Premier Tech) irabazi du Suitzako Tourreko laugarren etapa, asteazken honetan (ekainak 15) Grenchen eta Brunnen artean egin dena, 190,8 kilometroko ibilbidearekin. Stephen Williamsek (Bahrain Victorious) jarraitzen du sailkapen nagusiko lehen postuan.
Esprint estu eta lehiatuan Impey izan da indartsuena. Michael Matthews (BikeExchange) izan da bigarren, eta Soren Kragh Andersen (DSM) hirugarren. Alex Aranburu (Movistar) etapa irabazteko lehian egon da, baina euskal txirrindulariak seigarren amaitu du.
Eguneko ihesaldiko protagonistak izan dira Matthew Holmes (Lotto-Soudal), Markus Hoelgaard (Trek-Segafredo) eta Jimmy Janssens (Alpecin-Fenix), baina Suttelen harrapatu ditu tropelak, helmugatik gertu.
Sailkapen nagusiko liderra da Stephen Williams; sei segundoko abantaila du bigarren den Andreas Kronekiko (Lotto Soudal) eta zazpi segundokoa hirugarren postuan dagoen Geraint Thomasekiko (Ineos Grenadiers).
4. etapako sailkapena:
1 - IMPEY Daryl (Israel) 4:14:09
2 - MATTHEWS Michael (BikeExchange) d. b.
3 - KRAGH ANDERSEN Søren (DSM) d. b.
4 - BETTIOL Alberto (EF Education) d. b.
5 - PIDCOCK Thomas (INEOS) d. b.
6 - ARANBURU Alex (Movistar) d. b.
7 - GROßSCHARTNER Felix (BORA) d. b.
8 - BRAMBILLA Gianluca (Trek) d. b.
9 - BURGAUDEAU Mathieu (TotalEnergies) d. b.
10 - KÜNG Stefan (Groupama FDJ) d. b.
Sailkapen nagusia:
1 - WILLIAMS Stephen (Bahrain) 17:46:28
2 - KRON Andreas (Lotto) + 0:06
3 - THOMAS Geraint (INEOS) + 0:07
4 - LEKNESSUND Andreas (DSM) d. b.
5 - KÜNG Stefan (Groupama FDJ) +0:10
6 - HIRSCHI Marc (UAE) d. b.
7 - KUSS Sepp (Jumbo) d. b.
8 - FUGLSANG Jakob (Israel) d. b.
9 - VLASOV Aleksandr (BORA) d. b.
10 - YATES Adam (INEOS) d. b.
Zure interesekoa izan daiteke
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.
Pogacar, txirrindularitzako munduko txapeldun bigarrenez jarraian
Esloveniarrak 6 ordu, 21 minutu eta 20 segundoko denborarekin amaitu du lasterketa, batez beste 42,089 km/h-ko abiaduran, eta 1 minutu eta 28 segundora helmugaratu da Remco Evenepoel.
Magdeleine Vallieres kanadarrak irabazi du urrezko domina munduko txapelketan, ezustekoa emanda
Kanadako txirrindularia iheskideei aurrea hartuta helmugaratu da. Niamh Fisher-Black zeelandaberritarra eta Mavi Garcia espainiarra izan dira bigarrena eta hirugarrena, hurrenez hurren.
Paula Ostiz, munduko txapelduna junior mailan
Iruñeko txirrindularia nagusitasunez gailendu da Kigaliko helmugan, eta gaur urrezko domina lortuta, aste historikoa biribildu du, astearteko erlojupekoan zilarra bereganatu baitzuen.
Marlen Reuserrek eta Remco Evenepoelek irabazi dute erlojupekoa 2025eko Munduko Txapelketan
Txirrindulari suitzarrak eta ziklista belgikarrak urrezko domina eskuratu dute elite mailan, Ruandan jokatzen ari den Munduko Txapelketan. Anna van der Breggen eta Demi Vollering igo dira podiuma osatzera emakumezkoetan, eta Jay Vine eta Ilan Van Wilder gizonezkoetan.
McNulty estatubatuarrak irabazi du Poloniako Tourra, eta Pello Bilbao bederatzigarren sailkatu da
McNultyk lidergoa lortu du azken erlojupekoan gailenduta. Pello Bilbao 20. izan da azken etapan, irabazlearengandik 45 segundora, eta bederatzigarren amaitu du sailkapen nagusian.
Isaac Del Torok irabazi du Burgosko Itzulia, eta Cicconek Neilako etapa handia
Mexikarrak buelta eman dio Leo Bisiaux ordura arteko liderrak zuen 26 segundoko aldeari. Sailkapen nagusian, Urko Berrade nafarra hamargarren izan da.