Thomas De Gendt nagusitu da lehen etapan
Thomas De Gendt Lotto Saudal taldeko belgikarrak irabazi du Criterium Dauphineko lehen etapa, zazpiko ihesaldian sartu eta iheskideak atzean utzi ostean. Lehen jardunaldi honetan 170,5 kilometroko ibilbidea egin dute txirrindulariek Saint Etiennen hasi eta amaituta.
De Gendtek 40 segundoko aldea atera dio Axel Domont frantziarrari, helmugarako zazpi kilometroren faltan erasoa jo eta iheskidea atzean utzi ostean.
Loirako haranetik egindako ibilbidean zortzi mendate igo dituzte, lehen mailakorik ez, eta azken 15 kilometroak zirkuitu batean egin dituzte.
Eguneko ihesaldia lehen 10 kilometroetan sortu da, zazpi txirrindularirekin: De Gendt, Domont, Antonio Nibali (Bahrain-Merida) – Vincenzoren anaia gaztea-, Silvio Herklotz (Bora-Hansgrohe), Romain Sicard (Direct Energie), Rubén Fernández (Movistar) eta Ángel Madrazo (Delko).
De Gendtek erasoa jo du azken igoeran. Atzetik, Nico Rochek eta Richie Portek ere erasoa jo dute, segundo batzuk harrapatzeko.
Helmugan lehena belgikarra izan da, eta bigarren Domont, 44 segundora. Atzetik Diego Ulisi eta jarraian talde nagusia, faborito guztiekin.
Astelehenean bigarren etapa jokatuko dute, 171 kilometrokoa, Saint Chamond eta Arlan artean.
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.