Mikel Nieve, irabazle Andrew Talanskyren egunean
Mikel Nievek (Sky) Dauphineko azken etapa irabazi du, Courcheveleko gainean, Andrew Talanskyk (Garmin-Sharp) sailkapen orokorreko irabazle bilakatu zen egunean, maillot horia Alberto Contador (Tinkoff-Saxo) liderrari eta Chris Froome (Sky) aurkari zuzenari kenduta.
Nievek atzean utzi zuen eguneko ihesaldia, 23 txirrindularikoa, helmugarako kilometro bat falta zenean, eta bakarrik joan zen Courchevelerainoko helmugara, mendatea baino apur bat lehenago. Azken igoeraren luzeera 5,6 kilometrokoa zen, %6,2ko pendizarekin.
Sailkapen orokorreko borrokak bi protagonista izango omen zituen: Alberto Contador, aurreko etapan liderrez jantzi zena, eta Chris Froome, ia lasterketa osoan zehar buruan egon zena. Baina bien arteko lehia aprobetxatuta, Andrew Talanskyk, ihesalditik ere bai, eskuratu zuen garaipena.
Chris Froome maillot horia berreskuratzen saiatu zen Col de Saisiesen, Geraint Thomas, Danny Pate eta Vasil Kiryenka taldekideekin batera erasoa jota. Alberto Contadorrek jarraitu zion, eta bakarrik geratu zen. Espainiako txirrinduariak taldekiderik gabe jarraitu zuen garaipen orokorraren lehian.
23 kilometro falta zirenean, Contadorrek erasoa jo zuen ihesaldiarekin galdutako denbora berreskuratzeko, Froome atzean utzita eta Skykoarekin zeukan lehia irabazita, baina ez zen nahikoa izan Talansky harrapatzeko. Erritmoa mantendu zuen estatubatuarrak, eta behar zuen alde nahikoarekin heldu zen Dauphineko txapelduna izateko.
8. ETAPAKO SAILKAPENAK
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.