2023ko Euskal Herriko Itzuliko 5. etaparen profila, ibilbidea eta ordutegia: Zornotza-Zornotza (164,5 km)
2023ko Itzuliaren bosgarren etapa, lasterketako azken-aurrekoa hain zuzen ere, apirilaren 7an jokatuko dute (ostirala), eta Zornotzatik irtengo da, 13:23an, hau da, irteera neutralizatua eman eta 15 minutura. Hortik aurrera, txirrindulariek 164,5 kilometro egin beharko dituzte, Zornotzara bueltatu aurretik, helmuga bertan izango baita. Tropelak Bizkaian emango du egun osoa.
Itzuliaren bosgarren etapa honetan lau mendate eta bi esprint berezi izango dira. Esprint bereziak 124. eta 147. kilometroetan iritsiko dira, Muxikan eta Zornotzan, hurrenez hurren, eta mendiko sailkapenerako puntuagarriak diren mendateak, aldiz, hauek izango dira: lehenengoa, 11. kilometroan, 3. mailako mendate bat izango dute Muniketa (2,9 kilometroko igoera, batez beste % 7,3ko maldak); gerora, 54. kilometroan, 3. mailako beste bat gainditu beharko dute, Natxitua (2,5 kilometro, % 8); etapako 102. kilometroan, 2. mailako bat aurkituko dute, Paresi (4,3 kilometro, % 7,7ko aldapak); eta azkena, 140. kilometroan, hau da, helmugarako 25 kilometrora, 3. mailako bat, Belarrinaga (2 kilometro, batez beste % 6,7ko maldak).
Etaparen ibilbidea egokia izan liteke taldeek estrategiak proba ditzaten; izan ere, azken kilometroak zirkuitu batean egingo dituzte txirrindulariek, eta amaiera horretan Itzuliko faboritoak lehen postuetan ibili beharko dira, ezustekorik ez izateko.
Antolatzaileen aurreikuspena da aurtengo Itzuliaren azken-aurreko etaparen irabazleak 17:18 eta 17:42 bitartean altxatzea besoak Zornotzako helmugan. Azken hiru kilometroak goitik beherakoak dira, eta helmugarako 1.000 metro falta dituztenean, 180 graduko bira egin beharko dute parte-hartzaileek; hori, lasterketaren egoeraren arabera, erabakigarria izan liteke, eta txirrindulariek euren ausardia eta trebetasuna erakusteko aukera izango dute bertan.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi laugarren etaparen profila | Ikusi seigarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 5. etapa (apirilak, 7)
Ibilbidea: Ekin-Zornotza – Zornotza
Distantzia: 164,5 km
Goranzko desnibel metatua:
Hasiera-ordua: 13:23
Amaiera-ordua: 17:42 (38 km/h) | 17:30 (40 km/h) | 17:18 (42 km/h)
5. ETAPAKO MENDATEAK
------------------------------------------------------
------------------------------------------------------
------------------------------------------------------
------------------------------------------------------
5. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz – Bastida (165,4 km)
2. etapa (apirilak 4): Viana – Leitza (193,8 km)
3. etapa (apirilak 5): Errenteria – Amasa-Villabona (162,8 km)
4. etapa (apirilak 6): Santurtzi – Santurtzi (175,7 km)
5. etapa (apirilak 7): Zornotza – Zornotza (164,5 km)
Zure interesekoa izan daiteke
Ben Healyk erakustaldia emanda irabazi du Gernikan
Ben Healy txirrindulari irlandarrak 57 kilometroren falta jo du erasoa, eta bakar-bakarrik helmugaratu da Gernika. Pello Bilbao ahalegindu da bere etxean garaipena lortzen, eguneko ihesaldian sartuta, baina ezinezkoa izan zaio. Lodosako erorikoaren ondorioz, ez dago bere sasoirik onenean.
Pello Bilbao: ''Inork baino gogo gehiago nuen gaur irabazteko, baina ez nago nire sasoirik onenean''
Pello Bilbaok Gernikako etapa irabaztea eta sailkapen nagusia lehitzea zituen helburu aurtengo Euskal Herriko Itzulian. Alabaina, Lodosan izan zuen erorikoak bere lasterketa baldintzatu du. Gaur saiatu da etxean irabazten, baina ezinezkoa izan zaio, dena eman arren.
Juanma Garate (EF): ''Energia fisiko eta mental handia behar da Healyk egin duena egiteko''
EF Education – EasyPost taldeko kirol zuzendariak Ben Healy bere taldeko txirrindulariak Itzuliaren 5. etapan lortutako garaipenaz hitz egin du. Healyk egindako lan eta ahalegin handia goraipatu du, 60 kilometroz bakarrik joateko konfiantza izanda (adierazpenak gaztelaniaz).
Euskal Herriko Itzulia: 5. etapako unerik onenak eta azken kilometroa Gernikan
Pello Bilbaok begiz jota zuen Urduña eta Gernika arteko etapa. Ihesaldian sartuta saiatu da, baina ezin izan du etxean irabazi. Ben Healy txirrindulari irlandarra gailendu da, erakustaldia emanda.
Ben Healyk erakustaldia emanda lortu du garaipena Itzuliko 5. etapan
EF Education – EasyPost taldeko txirrindulari irlandarra eguneko ihesaldian izan da, eta bakarrik egin ditu azken 60 kilometroak, Gernika-Lumon eskuak altxatzeko.
2025eko Euskal Herriko Itzuliko 5. etaparen profila, ibilbidea eta ordutegia: Urduña-Gernika-Lumo (172,4 km)
Eguna Gernika-Lumon amaituko da, alegia, Pello Bilbaoren jaioterrian; Bahrain-Victorious taldeko txirrindulariak ibilbidea diseinatzen parte hartu du. Lau mendate puntuagarri igoko dituzte, 3. mailakoak denak.
Pello Bilbaok berak diseinatutako Itzuliaren 5. etapako xehetasunak eta gakoak eman ditu ezagutzera
2025eko Itzuliko bosgarren etapa Urduñan hasi eta Gernika-Lumon bukatuko da, 172,4 kilometroko ibilbidea gauzatu ondoren. Pello Bilbaok bere etxean bukatuko du etapa, eta haren xehetasunak eman ditu ezagutzera, azken kilometroak berak diseinatu baititu.
Xabier Usabiagaren hausnarketa Itzuliko 5. etapako ibilbideaz: Gernika, esprinterrentzako aukera
2025eko Euskal Herriko Itzuliaren 5. etapa Urduñan hasi eta Gernika-Lumon amaituko da, eta 172,4 kilometroko ibilbidea izango du. 64. Itzuliaren azken-aurreko etapan, lau mendate puntuagarri igoko dituzte, 3. mailakoak guztiak. Xabier Usabiaga adituak etaparen analisia egin du.