2023ko Euskal Herriko Itzuliko 4. etaparen profila, ibilbidea eta ordutegia: Santurtzi – Santurtzi (175,7 km)
Apirilaren 6an (osteguna da), 2023ko Itzuliaren laugarren etapa jokatuko dute. Santurtzitik irtengo da, 13:06an (irteera neutralizatua 13 minutu lehenago egingo dute), eta Ezkerraldeko udalerri horretan bertan amaitu. 175,7 kilometro egin beharko dituzte txirrindulariek, gehienak Bizkaian, baina Araban ere ibiliko dira, tropelak Laudio, Amurrio eta Arespalditza ere igaroko baititu.
Etapak, Itzuliaren antolatzaileen iritziz, Enkarterriko zailtasun tipikoak jarriko dizkie parte-hartzaileei; izan ere, eskualde horretan ibiliko dira kilometro askotan. Igoera eta jaitsiera ugari izango dira, eta hori egokia izan liteke ihesaldiaren aldeko apustua egin nahi duten txirrindularientzat. Azken finean, kontrolpean izateko ibilbide zaila da laugarren etapakoa.
Santurtzin eta La Rigadan izango dira eguneko bi esprint bereziak, 131. eta 148. kilometroetan, hurrenez hurren. Mendiko sailkapenari dagokionez, lau mendate puntuagarri daude: 2. mailako bat, azkena, eta 3. mailako beste hiru. Lehenengoa, Malkuartu, 31. kilometroan aurkituko dute (2,5 kilometroko igoera du, eta % 6,7ko batez besteko maldak); Santa Koloma 80. kilometroan dago (bi kilometro ditu, eta, batez beste, % 8,4ko maldak); 103.ean, Bezi igoko du tropelak (3,8 kilometro, % 6ko maldekin). Azken igoera puntuagarria, La Asturiana, 160. kilometroan izango dute zain; 2. mailakoa da, eta txirrindulariek 7,4 kilometroko igoera gainditu beharko dute, batez beste % 6,5eko maldekin.
Aurreikuspena da 2023ko Itzuliaren laugarren etapako irabazlea 17:17 eta 17:43 bitartean iristea Santurtziko helmugara.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi hirugarren etaparen profila | Ikusi bosgarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 4. etapa (apirilak, 6)
Ibilbidea: Santurtzi – Santurtzi
Distantzia: 175,7 km
Goranzko desnibel metatua: 3.796,5
Hasiera-ordua: 13:06
Amaiera-ordua: 17:43 (38 km/h) | 17:30 (40 km/h) | 17:17 (42 km/h)
4. ETAPAKO MENDATEAK
------------------------------------------------------
------------------------------------------------------
------------------------------------------------------
------------------------------------------------------
4. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz – Bastida (165,4 km)
2. etapa (apirilak 4): Viana – Leitza (193,8 km)
3. etapa (apirilak 5): Errenteria – Amasa-Villabona (162,8 km)
4. etapa (apirilak 6): Santurtzi – Santurtzi (175,7 km)
Zure interesekoa izan daiteke
''Matxin'': ''Saiatuko gara Almeidak, etapa irabazita, lehen postuari eusten''
UAE taldeko zuzendariak, Joao Almeidak Itzuliko laugarren etapa eta lasterketako maillot horia eskuratuta, nabarmendu du nola portugaldarra ohitu behar den Itzuliaren ibilbideetara, alegia, nagusi diren mendate laburretara.
Etapa eta maillot horia Joao Almeidarentzat, Markina-Xemeinen, Itzuliko laugarren egunean
UAE taldeko portugaldarrak Izuan utzi ditu atzean aurkari guztiak, eta bakarka helmugaratu da; sailkapen nagusian, 30 segundora du Schachmann, orain arteko liderra. Alex Aranburuk, bikain beste behin, bosgarren postua lortu du.
Izuako igoerak Almeida aukeratu du 4. etapako irabazle eta Itzuliko lider berri
UAEko txirrindulari portugaldarra Izuako igoeran nabarmendu da -3,5 km-koa % 10,6ko maldarekin- eta garaipenarekin sailkapen nagusiko lidergoan kokatu da, Maximilian Schachmann Soudal Quick-Step taldeko alemaniarraren lekua hartuta.
Euskaltel-Euskadiko Txomin Juaristik Itzuliko 4. etapako Izuarako igoeraren xehetasunak eman dizkigu
2025eko Itzuliko laugarren jardunaldian, txirrindulariek Izua igoko dute, Matsaritik. Euskaltel-Euskadi taldeko Txomin Juaristi ziklistarekin izan gara, igoeraren nondik norakoak bertatik bertara aztertzeko.
Xabier Usabiagaren hausnarketa Itzuliko 4. etapako ibilbideaz: Izuako jaitsieran, teknika ezinbestekoa
2025eko Euskal Herriko Itzuliaren 4. etapa Beasainen hasiko da, Bizkaian sartu, berriro Gipuzkoara itzuli, eta Bizkaian bukatzeko, Markina-Xemeinen, eta ibilbideak 169,6 kilometro izango ditu. Xabier Usabiaga adituak etaparen analisia egin du.
2025eko Euskal Herriko Itzuliko 4. etaparen profila, ibilbidea, ordutegia: Beasain-Markina-Xemein (169,6 km)
Parte-hartzaileek zazpi mendate igo beharko dituzte, tartean 1. mailako Izua, azken hori eguneko azken kilometroetan. Igoera horren gainean, hala diote antolatzaileek: "Hor erabakiko da, zalantzarik gabe, etapako garailea, eta sailkapen nagusiak ere aldeak izango dira".