Azparren, Berasategi, De la Parte, Fouche, Juaristi, Martin eta Mintegi, Euskaltelen zazpikotea Itzulirako

Euskaltel-Euskadi prest da 2024ko Itzulian parte hartzeko. Lasterketa apirilaren 1ean hasi eta hilaren 6an bukatuko da. Talde laranjarentzat berezia da Itzulia, etxean ariko baita.

Ostiral honetan, martxoaren 29an, jakinarazi du Itzulirako zazpikotea. Enekoitz Azparren, Xabier Berasategi, Victor de la Parte, James Fouche, Txomin Juaristi, Gotzon Martin eta Iker Mintegi izango dira Euskaltel-Euskadi taldearen ziklistak 2024ko Itzulian.

Etapa garaipenak lortzeko lehian ibiltzea du helburu Euskaltelek, eta bat irabaztea itzela izango litzateke talde laranjarentzat.