2022ko Euskal Herriko Itzuliko gaurko 5. etaparen profila eta ibilbidea: Zamudio – Mallabia (163,8 km)

Bost mendate puntuagarriz eta beste hainbat aldapaz betetako ibilbide gogaikarria izango dute zain txirrindulariek ostiralean. Gainera, Mallabiko helmugan, pendiz labur baina gogor batekin egingo dute topo.

2022ko Euskal Herriko Itzuliko 5. etaparen profil ofiziala. Argazkia: Itzulia

F. A. / A. A. | EITB

2022/03/23 - 14:10

Azken eguneratzea

2022/04/08 - 09:40

Ibilbide gogaikarria eta itoa izango du tropelak Itzuliko bosgarren jardunaldian, Zamudiotik Mallabira bidean, eta, besteak beste, bost mendate gainditu beharko dituzte: Paresi (2. mailakoa, 9 kilometro eta % 3,4ko batez besteko maldak), Bedaroa (3. mailakoa, 2,1 kilometro eta % 7,1eko batez besteko maldak), Orontzugarai (3. mailakoa, 2,6 kilometro eta % 6,5eko batez besteko maldak), Arrangizgana (3. mailakoa, 3,3 kilometro eta % 7,1eko batez besteko maldak) eta Karabieta (2. mailakoa, 6,7 kilometro eta % 5,6ko batez besteko maldak).

Ez da izango lehen mailako gainik, baina aipatu bost igoera puntuagarri horiek, eta puntuagarriak izango ez diren beste batzuek, ibilbideak etengabe gora eta behera egitea ekarriko du, eta etapa oso gogorra izan daiteke (zer eguraldi egingo duen ere kontuan hartzeko modukoa izango da).

Etapako azken 30 kilometroetan sartuta izango du tropelak ordekan tarte bakanetako bat, Iurreta eta Elorrio bitartean, hain zuzen ere.

Egun honek ere, hirugarrenak bezala, irabazteko baino galtzeko gehiago izango du Itzulia jokoan dutenentzat. Gainera, eguna bukatzeko, % 16rainoko pendiz gogor baina labur batekin egingo dute topo Mallabiko helmugan.

Beraz, hasi eta bukatu, gorputzari ez ezik buruari ere asko eskatuko dion etapa izango da, eta sailkapen nagusiko txirrindulariek erne egon beharko dute.

Etapa zuzenean ikusi ahal izango da ETB1en eta eitb.eus-en 15:00etatik aurrera.

Ikusi 4. etaparen profila | Ikusi 6. etaparen profila

PROFILA:

2022ko Euskal Herriko Itzuliko 5. etaparen profila. Argazkia: Itzulia

------------------------------------------------------

IBILBIDEA:

2022ko Euskal Herriko Itzuliko 5. etaparen ibilbidea. Argazkia: Itzulia

------------------------------------------------------

FITXA TEKNIKOA:

Etapa: 5. etapa (apirilak 8)

Ibilbidea: Zamudio – Mallabia

Distantzia: 163,8 km

Goranzko desnibel metatua: 4.405,4 m

Hasiera-ordua: 13:24

Amaiera-ordua: 17:42 (38 km/h) | 17:30 (40 km/h) | 17:18 (42 km/h)

2022KO ITZULIKO ETAPAK:

1. etapa (apirilak 4): Hondarribia – Hondarribia (7,5 km)

2. etapa (apirilak 5): Leitza – Viana (207,9 km)

3. etapa (apirilak 6): Laudio – Amurrio (181,7 km)

4. etapa (apirilak 7): Gasteiz – Zamudio (185,6 km)

5. etapa (apirilak 8): Zamudio – Mallabia (163,8 km)

6. etapa (apirilak 9): Eibar – Arrate (135,7 km)

------------------------------------------------------

2022KO ITZULIKO IBILBIDE OSOA:

2022ko Euskal Herriko Itzuliko ibilbide osoa. Argazkia: Itzulia

Zure interesekoa izan daiteke

WorldTourreko 16 talde eta Euskaltel-Euskadi, Caja Rural-Seguros RGA eta Kern Pharma, 2026ko Euskal Herriko Itzulian

Lasterketaren 65. ekitaldian zein talde arituko diren iragarri dute antolatzaileek; hala, aurtengo Itzulian UCI WorldTeam mailako talde guztiak izan dira, Jayco-AlUla eta NSN Cycling Team izan ezik.

2026ko Itzuliaren ibilbide ofiziala aurkeztu dute

Lasterketa apirilaren 6tik 11ra bitartean lehiatuko da, eta Bilbon hasiko da, erlojupeko batekin.

Itzulia Bilbon hasiko da

2026ko Itzulia Bilbon hasiko da, apirilaren 6an. Txirrindulariek 14 kilometroko erlojupekoa egin beharko dute Bizkaiko hiriburuan.

Mikel Bizkarra Euskaltel Euskadiko txirrinularia, 2021eko Itzulian, Bilbon.

Bilbon abiatuko da 2026ko Itzulia, erlojupeko etapa batekin

Apirilaren 6tik 11ra izango da aurtengo edizioa, Bizkaiko hiriburuan 14 kilometroko erlojupeko batekin hasita.

Itzuliko eta Basauriko Udaleko ordezkariak akordioa sinatzen

2026ko Itzuliko etapa bat Basaurin hasi eta amaituko da

Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.

Galdakao 2026ko Itzuliko etapa baten irteera eta helmuga izango da

Galdakaoko Udalak eta OCETAk udalerria hurrengo edizioaren ibilbidean sartzen duen akordioa sinatu dute.

Euskal Herriko Itzuliko palmaresa eta ohorezko postuak

Lasterketako irabazle guztien zerrenda, 1924tik 2024ra. Alberto Contador eta Jose Antonio Gonzalez Linares dira Itzuli gehien irabazi dituzten txirrindulariak (4). Euskal ordezkariei dagokienez, Julian Gorospek bi garaipen ditu.

Ezin hobea izan da Joao Almeidaren lehen partaidetza Itzulian

Joao Almeida (UAE) txirrindulari portugaldarrak lehen aldiz lehiatu du Euskal Herriko Itzulia, eta txapela jantzita amaitu du podiumean. Hauek izan dira bere unerik onenak gure lasterketan.

Almeida: ''Egia esan, primeran egin dugu''

Joao Almeida (UAE Emirates) portugaldarrak irabazi du larunbat honetan 2025eko Itzulia Basque Country lasterketa, Eibarren hasi eta amaitu den seigarren eta azken etapa irabazita (adierazpenak gaztelaniaz).

Almeida: ''Oso pozik, ez naiz ondo sentitu, baina dena emanda irabaztea lortu dut'''

Joao Almeidak irabazi du 2025eko Itzuliko 4. etapa eta bera da lasterketako lider berria. Garaipena bereganatu ostean EITB Mediarekin hitz egin du Portugalgo txirrindulariak. (adierazpenak gaztelaniaz)