2022ko Euskal Herriko Itzuliko gaurko 3. etaparen profila eta ibilbidea: Laudio – Amurrio (181,7 km)

Bi zatitan bana daitekeen jardunaldia izango da: lehendabizikoak, eguneko ihesaldia eratzen lagun dezake; bigarrenak erabateko arreta jartzea eskatuko die faborito nagusiei, bi pasaera izango dituen zirkuitu hautsi batean.

2022ko Euskal Herriko Itzuliko 3. etaparen profil ofiziala. Argazkia: Itzulia

F. A. / A. A. | EITB

2022/03/23 - 13:48

Azken eguneratzea

2022/04/06 - 12:02

Itzuliko hirugarren eguna Arabatik zehar jokatuko da, eta bi zatitan bana daiteke. Lehendabizikoak, bezperakoak bezala, mendate bat izango du aurreneko kilometroetan: Altube (3. mailakoa, 4,5 kilometro eta, batez beste, % 5,7ko maldak). Hala, Laudiotik atera eta goranzko joera izango du ibilbideak 22,5. kilometroan egongo den mendate horretara iritsi bitartean, eta horixe baliatuko dute eguneko ihesaldia harrapatzeko asmoarekin abiatzen direnek.

Behin Laudiotik eguneko bigarren pasaera eginda (92. kilometroa), jardunaldiaren bigarren erdia hasiko da, eta oso erne ibili beharreko zirkuitu batean sartuko da tropela orduan.

Bi bira eman beharko dituzte txirrindulariek bertatik, oso ibilbide hautsian zehar. Besteak beste, Opellora (3. mailakoa, 1,1 kilometro eta, batez beste, % 13ko maldak) eta Ozeka (2. mailakoa, 3,6 kilometro eta, batez beste, % 7,4ko maldak) gainak bi aldiz kateatu beharko dituzte bide estu eta sigi-sagatsuetatik Amurrioko helmugara iritsi aurretik. Tentsio handia izango da irabazteko baino galtzeko gehiago duen etapa bihurri honetan.

Iazko Itzuliko 3. etapak ere Arabako bi herri hauek lotu zituen, baina alderantziz, Amurrion hasi eta Laudion amaitu baitzen, Ermualdeko aldapa gogorretan. Orduko hartan, ikuskizun zoragarria eskaini zuten Tadej Pogacar eta Primoz Roglic esloveniarrek. Bien arteko buruz burukoa azken bi Tourrak bereganatu dituenaren alde atera zen.

Etapa zuzenean ikusi ahal izango da ETB1en eta eitb.eus-en 15:00etatik aurrera.

Ikusi 2. etaparen profila | Ikusi 4. etaparen profila

PROFILA:

2022ko Euskal Herriko Itzuliko 3. etaparen profila. Argazkia: Itzulia

------------------------------------------------------

IBILBIDEA:

2022ko Euskal Herriko Itzuliko 3. etaparen ibilbidea. Argazkia: Itzulia

------------------------------------------------------

FITXA TEKNIKOA:

Etapa: 3. etapa (apirilak 6)

Ibilbidea: Laudio – Amurrio

Distantzia: 181,7 km

Goranzko desnibel metatua: 3.256,2 m

Hasiera-ordua: 12:57

Amaiera-ordua: 17:44 (38 km/h) | 17:30 (40 km/h) | 17:17 (42 km/h)

2022KO ITZULIKO ETAPAK:

1. etapa (apirilak 4): Hondarribia – Hondarribia (7,5 km)

2. etapa (apirilak 5): Leitza – Viana (207,9 km)

3. etapa (apirilak 6): Laudio – Amurrio (181,7 km)

4. etapa (apirilak 7): Gasteiz – Zamudio (185,6 km)

5. etapa (apirilak 8): Zamudio – Mallabia (163,8 km)

6. etapa (apirilak 9): Eibar – Arrate (135,7 km)

------------------------------------------------------

2022KO ITZULIKO IBILBIDE OSOA:

2022ko Euskal Herriko Itzuliko ibilbide osoa. Argazkia: Itzulia

Zure interesekoa izan daiteke

WorldTourreko 16 talde eta Euskaltel-Euskadi, Caja Rural-Seguros RGA eta Kern Pharma, 2026ko Euskal Herriko Itzulian

Lasterketaren 65. ekitaldian zein talde arituko diren iragarri dute antolatzaileek; hala, aurtengo Itzulian UCI WorldTeam mailako talde guztiak izan dira, Jayco-AlUla eta NSN Cycling Team izan ezik.

2026ko Itzuliaren ibilbide ofiziala aurkeztu dute

Lasterketa apirilaren 6tik 11ra bitartean lehiatuko da, eta Bilbon hasiko da, erlojupeko batekin.

Itzulia Bilbon hasiko da

2026ko Itzulia Bilbon hasiko da, apirilaren 6an. Txirrindulariek 14 kilometroko erlojupekoa egin beharko dute Bizkaiko hiriburuan.

Mikel Bizkarra Euskaltel Euskadiko txirrinularia, 2021eko Itzulian, Bilbon.

Bilbon abiatuko da 2026ko Itzulia, erlojupeko etapa batekin

Apirilaren 6tik 11ra izango da aurtengo edizioa, Bizkaiko hiriburuan 14 kilometroko erlojupeko batekin hasita.

Itzuliko eta Basauriko Udaleko ordezkariak akordioa sinatzen

2026ko Itzuliko etapa bat Basaurin hasi eta amaituko da

Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.

Galdakao 2026ko Itzuliko etapa baten irteera eta helmuga izango da

Galdakaoko Udalak eta OCETAk udalerria hurrengo edizioaren ibilbidean sartzen duen akordioa sinatu dute.

Euskal Herriko Itzuliko palmaresa eta ohorezko postuak

Lasterketako irabazle guztien zerrenda, 1924tik 2024ra. Alberto Contador eta Jose Antonio Gonzalez Linares dira Itzuli gehien irabazi dituzten txirrindulariak (4). Euskal ordezkariei dagokienez, Julian Gorospek bi garaipen ditu.

Ezin hobea izan da Joao Almeidaren lehen partaidetza Itzulian

Joao Almeida (UAE) txirrindulari portugaldarrak lehen aldiz lehiatu du Euskal Herriko Itzulia, eta txapela jantzita amaitu du podiumean. Hauek izan dira bere unerik onenak gure lasterketan.

Almeida: ''Egia esan, primeran egin dugu''

Joao Almeida (UAE Emirates) portugaldarrak irabazi du larunbat honetan 2025eko Itzulia Basque Country lasterketa, Eibarren hasi eta amaitu den seigarren eta azken etapa irabazita (adierazpenak gaztelaniaz).

Almeida: ''Oso pozik, ez naiz ondo sentitu, baina dena emanda irabaztea lortu dut'''

Joao Almeidak irabazi du 2025eko Itzuliko 4. etapa eta bera da lasterketako lider berria. Garaipena bereganatu ostean EITB Mediarekin hitz egin du Portugalgo txirrindulariak. (adierazpenak gaztelaniaz)