Honorek irabazi du etapa taldekide duen Cernyrekin batera helmugaratuta
Mikkel Frolych Honore txirrindulariak irabazi du Euskal Herriko Itzuliko bosgarren etapa, Hondarribia eta Ondarroa artekoa (160,2 Km). Deceuninck-Quick Stepek erakustaldia eman du, etapako irabazlea Josef Cerny taldekidearekin batera helmugaratu baita, ihes eginda. Brandon McNultyk (UAE-Team Emirates) jarraitzen du lidergoan.
Bi taldekideak batera eta ihes eginda heldu dira Ondarroako helmugara, eta Cernyk irabazten utzi dio Honoreri. Deceuninck-Quick Step taldeko bi txirrindulariekin batera ihes eginda ibili da Julian Bernard (Trek-Segafredo), baina Honorek eta Cernyk atzean utzi dute helmugarako 4,8 kilometro falta zirenean. Bernard hirugarren izan da, irabazlearengandik 16 segundora.
Astana taldeko Alex Aranburu eta Omar Fraile euskal txirrindulariak saiatu dira lasterketaren buruarekin bat egiten, baina ezin izan dute Deceuninck-Quick Step taldeko bi txirrindulariekin bat egin. Faboritoak tropelean helmugaratu dira, Honorerengandik 28 segundora.
Sailkapen nagusiko lehen postuetan ez da aldaketarik egon. Brandon McNulty (UAE Emirates) da liderra; 23 segundo ateratzen dizkio Primoz Roglici (Jumbo Visma), 28 Jonas Vingegaardi (Jumbo Visma), 36 Pello Bilbaori (Bahrain-Victorious) eta 43 Tadej Pogacarri (UAE-Team Emirates). Ion Izagirre (Astana-Premier Tech) zortzigarren da liderrarengandik 1'15"era, eta Mikel Landa (Bahrain-Victorious) bederatzigarren postuan da, 1'23"ra.
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.