Ion Izagirrek etapa garaipena lortu du, esprintean Pello Bilbaori nagusituta
Ion Izagirrek (Astana-Premier Tech) irabazi du Euskal Herriko Itzuliko laugarren etapa, ostegun honetan Gasteiz eta Hondarribia (189,2 Km) artean egin dena. Pello Bilbao (Bahrain-Victorious) bigarren izan da, eta Brandon McNulty (UAE-Team Emirates) da lasterketako lider berria.
Izagirrek lehia estua izan du Pello Bilbaorekin, euskal txirrindularien arteko esprintean erabaki den etapan, eta Ormaiztegikoa (Gipuzkoa) nagusitu da. Epaileek fotofinisha erabili behar izan dute garailea zein izan den jakiteko. McNulty izan da hirugarren, eta liderraren elastikoa jantzi du.
Helmugaratzen lehenak izan diren hiru txirrindulariekin batera iritsi dira Jonas Vingegaard (Jumbo Visma), Emanuel Buchmann (Bora) y Jhoan Esteban Chaves (BikeExchange). Liderraren elastikoa galdu duen Primoz Roglic (Jumbo Visma), Tadej Pogacar (UAE-Team Emirates), eta Mikel Landa (Bahrain-Victorious) besteak beste, tropelean iritsi dira, Izagirrerengandik 49 segundora.
Sailkapen nagusian, Brandon McNulty da liderra; 23 segundo ateratzen dizkio bigarren den Primoz Roglici, 28 Jonas Vingegaardi, 36 Pello Bilbaori eta 43 Tadej Pogacar bere taldeburuari. Mikel Landa (Bahrain-Victorious) hamargarren postuan da, liderrarengandik 1'23"ra.
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.