Bredewold nagusitasun handiz gailendu da Agurainen, eta bera izango da Itzuliko lehen liderra
Mischa Bredewoldek (SD Worx-Protime) esprintean eta nagusitasun handiz irabazi du Zumarragan hasi eta Agurainen bukatu den Itzuliko lehen etapa, eta, horrenbestez, txirrindulari herbeheretarrak jantziko du liderraren maillota bigarren etapan.
Millie Couzens (Fenix-Deceuninck) britainiarra eta Margaux Vigie (Visma-Lease a Bike) frantziarra izan dira bigarren eta hirugarren, hurrenez hurren.
Bestalde, Anna van der Breggenek (SD Worx-Protime) eroriko larria izan du helmugarako 7,5 kilometro falta zirenean.
Hiru taldekidek lagunduta, lasterketa amaitzea lortu du, 43 segundoko atzerapenarekin soilik, baina oso minduta, eta ematen du ezingo diola lehiatu sailkapen nagusia Demi Vollering (FDJ-Suez) iazko edizioko txapeldun eta egungo txirrindulari indartsuenari.
Etapa esprintean bukatu da, baina aurrez zenbait ihesaldi izan dira. Lehendabizikoa Morgane Coston (Roland) frantziarrak eta Gaia Segato (BePink) eta Katia Ragusa (Human Powered Health) italiarrak osatu dute. Opakua igaro eta gutxira irentsi ditu tropelak.
Helmugatik 50 bat kilometrora, Julie Van de Velde (AG Insurance-Soudal) belgikarra eta Eva van Agt (Visma-Lease a Bike) herbeheretarra joan dira ihesean. Laster egin dute minututik gorako tartea.
Alabaina, Azazetako igoeran, aldea murriztu diete, eta jaitsieran harrapatu dituzte, helmugatik 18 bat kilometrora.
Hortik aurrera, tropelean joan dira txirrindulariak bukaeraraino. Helmugatik 7,5 kilometrora izan du erorikoa Van der Breggenek. Gainerakoek aurrera jarraitu dute, eta Bredewold nagusitasun handiz gailendu da esprintean. Iaz bezala, aurten ere izan da Itzuliko lehen liderra.
2024ko edizioan bi garaipen eskuratu zituen txirrindulari herbeheretarrak, eta aurtengoan ere bide beretik doa.
ETAPAKO SAILKAPENA
1. BREDEWOLD Mischa (SD Worx-Protime) 3:52:02
2. COUZENS Millie (Fenix-Deceuninck) d.b.
3. VIGIÉ Margaux (Visma | Lease a Bike) d.b.
4. BLASI Paula (UAE Team ADQ) d.b.
5. VAN DAM Sarah (CERATIZIT Pro Cycling) d.b.
SAILKAPEN NAGUSIA
1. BREDEWOLD Mischa (SD Worx-Protime) 3:51:51
2. COUZENS Millie (Fenix-Deceuninck) +0:05
3. VIGIÉ Margaux (Visma | Lease a Bike) +0:07
4. RAGUSA Katia (Human Powered Health) +0:08
5. VAN DE VELDE Julie (AG Insurance - Soudal) d.b.
6. VAN AGT Eva ( Visma | Lease a Bike) +0:09
7. SEGATO Gaia (BePink-Imatra-Bongioanni) d.b.
8. COSTON Morgane (Roland) +0:10
9. BLASI Paula (UAE Team ADQ) +0:11
10. VAN DAM Sarah (CERATIZIT Pro Cycling) d.b.
Zure interesekoa izan daiteke
Ostolaza: “Kirol bizitza bukatzean, honelako momentuekin gogoratzen zara, emaitzekin baino gehiago"
Usoa Ostolazak 7. bukatu du Itzulia Womeneko lehen etapa. Zarauztarren babesa jaso du lasterketan zehar, eta oso hunkituta agertu da izandako harreragatik.
Mischa Bredewold gailendu da Zarautzen, eta 2026ko Itzulia Womeneko lehen maillot horia jantzi du
SD Worx taldeko txirrindulari herbeheretarra nagusitu da etapan erabakigarria izan den esprintean, garaipena harekin jokatu duten lau txirrindulariak menderatuta: Yara Kastelijn, Riejanne Markus, Lauren Dickson eta Antonia Niedermaier. Usoa Ostolaza zazpigarren helmugaratu da, eta sailkapen nagusian zortzigarren sailkatu da, 31 segundora.
Bredewoldek irabazitako Itzulia Womeneko lehen etapako azken kilometroa
Dikson, Niedermaier, Markus, Bredewold eta Kastelijn batera iritsi dira Itzulia Womeneko lehen etapako azken kilometrora, lasterketaren buruan. Esprintean erabaki da garailea eta ez da ezustekorik izan. Mischa Bredewold (SD Worx) herbeheretarra nagusitu delarik. Bigarren eta hirugarren Yara Kastelijn (Fenix-Premier Tech) eta Riejane Markus (Lidl-Trek) herrikideak izan dira, hurrenez hurren.
ZUZENEAN: Itzulia Womeneko 1. etapa, Zarautz-Zarautz (121,3 km)
Ikusi, zuzenean, 2026ko Itzulia Womeneko lehenengo etapa. Zarautzen hasi eta amaituko da, eta 121,3 kilometroko ibilbidea izango du.
2026ko Itzulia Womeneko 1. etaparen profila, ibilbidea eta ordutegia: Zarautz-Zarautz (121,3 kilometro)
Gipuzkoan barrena ibiliko da lasterketa lehenengo egunean, eta txirrindulariek sei mendate puntuagarri igo beharko dituzte, denak hirugarren mailakoak: "Mendate handirik gabeko ibilbidea da, baina igoera etengabeak eta atsedenik gabeko tarteak ditu", diote antolatzaileek.