Itzulia Women 2024ko lehen etaparen ibilbidea, profila eta ordutegia: Gasteiz-Elgoibar (140 km)

Lasterketaren etaparik luzeenarekin abiatuko da. Ihesaldirako jardunaldi aproposa da, eta hiru helmuga puntuagarri ditu; azkena Itziarren dago, amaieratik 20 kilometrora.

Itzulia Women 2024ko lehen etaparen profila. Irudia: itzulia-women.eus.

EITB

2024/05/02 - 13:29

Azken eguneratzea

2024/05/02 - 13:29

Itzulia Women lasterketaren lehen etapa maiatzaren 10ean, ostiralean, abiatuko da Gasteiztik, eta Elgoibarren amaituko da, 140 kilometroko ibilbidea egin ostean. Parte hartzaileak 09:48an aterako dira: antolakuntzaren aurreikuspenaren arabera, irabazleak 13:18 eta 13:42 artean bukatuko du.

Hala, Itzuliaren hirugarren edizioa etapa luzeenarekin hasiko da, pilatutako altuera garaiena duenarekin, gainera. Hiru mendate puntuagarritatik pasako dira txirrindulariak: Olaeta (3. mailakoa), Azkarate (2. mailakoa) eta Itziar (3. mailakoa). Horiez gain, etengabeko gorabeherei aurre egin beharko diete.

Ihesaldia bilatzeko etapa aproposa izan daitekeela nabarmendu du antolakuntzak, Olaetako mendatea baino lehen (37,7. kilometroan iritsiko dira gora) edo igoeran. Era berean, kontuan hartu beharra dago etaparen amaieran etengabe goruntz doazela, helmugara doan goranzko lautada batekin, Elgoibarren.

Gasteiz atzean utzita, Legutiotik barrena ibiliko da lasterketa, Olaetara igo aurretik. Hirugarren mailako mendatea da (1,9 kilometro), baina gogorra, batez beste % 9ko aldapa duelako. Gipuzkoara iritsi aurretik dago Olaeta. Ondoren, Bergara, Soraluze eta Elgoibar herriak pasako dituzte, Azkaratera heldu aurretik (2. mailakoa, 88,5. kilometroan). 4,2 kilometroko igoera da, batez beste % 7,3ko aldapekin.

Jarraian, Azpeitia zeharkatuta, 42 kilometro geratuko dira bukatzeko. 120,8. kilometroan, Itziarrera (3. mailakoa) igo beharko dute, 7,1 kilometro eginda, batez beste % 2,8ko aldapekin. Handik behera, Deban, eguneko bigarren esprinta joko dute; lehenengoa 81,8. kilometroan izango da, Elgoibarren. Lehen eguneko ibilbidea hor amaituko da, Elgoibarren.

Elgoibarko podiumean ospatuko du irabazleak, bai etaparen garaipena bai maillot horia. Beste bi egun dituzte aurretik.

Etapa zuzenean ikusteko aukera izango da eitb.eus-en eta ETB1en, 12:00etatik aurrera.

Ikusi 2. etapako profila | Ikusi 3. etapako profila

ETAPAREN PROFILA

Itzulia Women 2024ko lehen etaparen profila. Irudia: itzulia-women.eus.

------------------------------------------------------

ETAPAREN AZKEN KILOMETROAK

2024ko Itzulia Womeneko lehen etaparen azken kilometroak. Irudia: itzulia-women.eus.

------------------------------------------------------

ETAPAREN MAPA

Itzulia Women 2024ko lehen etaparen mapa. Irudia: itzulia-women.eus.

FITXA TEKNIKOA:

Etapa: 1. etapa (maiatzak 10)

Ibilbidea: Gasteiz - Elgoibar

Distantzia: 140 km

Hasiera-ordua: 09:48

Amaiera-ordua: 13:42 (36 km/h) | 13:30 (38 km/h) | 13:18 (40 km/h).

Goranzko desnibel metatua: 2.164 metro

Mendiko saria: Olaeta (3. mailakoa), 37,7. kilometroan; Azkarate (2. mailakoa), 88,5. kilometroan; Itziar (3. mailakoa), 120. kilometroan.

------------------------------------------------------

1. ETAPAKO MENDATEAK

OLAETA (3. MAILAKOA)

Olaetara igoera, 2024ko Itzulia Womeneko lehen etapan. Irudia: itzulia-women.eus.

------------------------------------------------------

AZKARATE (2. MAILAKOA)

Azkarateko mendatea, 2024ko Itzulia Women lehen etapan. Irudia: itzulia-women.eus

------------------------------------------------------

ITZIAR (3. MAILAKOA)

Itziarreko igoera, 2024ko Itzulia Women lehen etapan. Irudia: itzulia-women.eus

Itziarko gaina

2024KO ITZULIA WOMENEKO ETAPAK:

1. etapa (maiatzak 10): Gasteiz – Elgoibar (140 km)

2. etapa (maiatzak 11): Basauri – Basauri (133,2 km)

3. etapa (maiatzak 12): Donostia – Donostia (114,9 km)

Zure interesekoa izan daiteke

Ostolaza: “Kirol bizitza bukatzean, honelako momentuekin gogoratzen zara, emaitzekin baino gehiago"

Usoa Ostolazak 7. bukatu du Itzulia Womeneko lehen etapa. Zarauztarren babesa jaso du lasterketan zehar, eta oso hunkituta agertu da izandako harreragatik.

Mischa Bredewold gailendu da Zarautzen, eta 2026ko Itzulia Womeneko lehen maillot horia jantzi du

SD Worx taldeko txirrindulari herbeheretarra nagusitu da etapan erabakigarria izan den esprintean, garaipena harekin jokatu duten lau txirrindulariak menderatuta: Yara Kastelijn, Riejanne Markus, Lauren Dickson eta Antonia Niedermaier. Usoa Ostolaza zazpigarren helmugaratu da, eta sailkapen nagusian zortzigarren sailkatu da, 31 segundora.

Bredewoldek irabazitako Itzulia Womeneko lehen etapako azken kilometroa

Dikson, Niedermaier, Markus, Bredewold eta Kastelijn batera iritsi dira Itzulia Womeneko lehen etapako azken kilometrora, lasterketaren buruan. Esprintean erabaki da garailea eta ez da ezustekorik izan. Mischa Bredewold (SD Worx) herbeheretarra nagusitu delarik. Bigarren eta hirugarren Yara Kastelijn (Fenix-Premier Tech) eta Riejane Markus (Lidl-Trek) herrikideak izan dira, hurrenez hurren.

ZUZENEAN: Itzulia Womeneko 1. etapa, Zarautz-Zarautz (121,3 km)

Ikusi, zuzenean, 2026ko Itzulia Womeneko lehenengo etapa. Zarautzen hasi eta amaituko da, eta 121,3 kilometroko ibilbidea izango du.

2026ko Itzulia Womeneko 1. etaparen profila, ibilbidea eta ordutegia: Zarautz-Zarautz (121,3 kilometro)

Gipuzkoan barrena ibiliko da lasterketa lehenengo egunean, eta txirrindulariek sei mendate puntuagarri igo beharko dituzte, denak hirugarren mailakoak: "Mendate handirik gabeko ibilbidea da, baina igoera etengabeak eta atsedenik gabeko tarteak ditu", diote antolatzaileek.