Tadej Pogacarrek Filippo Ganna gainditu du erlojupekoan, eta Italiako Giroan duen aurreneko postua sendotu
Tadej Pogacar UAE Emirates taldeko txirrindulari esloveniarrak irabazi du, ostiralean, 2024ko Italiako Giroaren zazpigarren etapa, Folignon hasi eta Perugian amaitu den 40,6 kilometroko banakako erlojupekoa, eta, horrenbestez, lasterketaren 107. ekitaldian duen aurreneko postua sendotu egin du. Pogacarrek 17 segundoko aldea atera dio INEOS taldeko Filippo Ganna ziklista italiarrari, nahiz eta Gannak lehenengo mugarrian 44 segundoko aldea eta bigarrenean 47 segundokoa atera dion Pogacarri. Esloveniarra bikain aritu da jardunaldiko amaierako zatian, eta garaipen bikaina erdietsi du. Daniel Felipe Martinez (BORA-hansgrohe) bigarren postuan jarri da sailkapen nagusian, Geraint Thomasi aurrea hartuta.
Etapa irabazi duen eta maglia arrosaren jabea den ziklista ezin hobeto aritu da etapari amaiera eman dion sei kilometroko 4. mailako mendatean. Erlojupekoaren lehenengo zatian, Pogacarrek hamargarren denborarik onena egin du, eta igoera hasi aurretik etapako hirugarren postuan zegoen, behin-behinean, baina garaipen ederra eskuratu du azkenean. Ganna espezialista da, bi aldiz irabazi baitu erlojuaren kontrako munduko txapelketa, baina Pogacarrek azken tarte horretan kendu dio lehen postua.
Bestalde, Daniel Felipe Martinez kolonbiarra ere oso ondo aritu da, eta bigarren jarri da, Geraint Thomasen aurretik. INEOSekoak bi minutu galdu ditu Pogacarren aurrean, eta dagoeneko larunbateko etapa du jomugan; Giroa irabazteko hautagai nagusiari denbora murrizten hastea izango du helburu galestarrak.
Larunbatean, etapa menditsua eta garrantzitsua izango da, zortzigarrena, eta Prati di Tivo eski estazioan bukatuko da, 1. mailako igoera batean. Etapa giltzarria izan liteke.
ETAPAKO SAILKAPENA
1 - POGACAR Tadej (UAE) 51:44
2 - GANNA Filippo (INEOS) + 0:17
3 - SHEFFIELD Magnus (INEOS) + 0:49
4 - ARENSMAN Thymen (INEOS) + 1:00
5 - SCHACHMANN Maximilian (BORA) + 1:05
6 - TIBERI Antonio (Bahrain) + 1:21
7 - PLAPP Luke (Jayco) + 1:45
8 - MARTINEZ Daniel Felipe (BORA) + 1:49
9 - BJERG Mikkel (UAE) + 1:56
10 - THOMAS Geraint (INEOS) + 2:00
SAILKAPEN NAGUSIA
1 - POGACAR Tadej (UAE) 24:12:36
2 - MARTINEZ Daniel Felipe (BORA) + 2:36
3 - THOMAS Geraint (INEOS) + 2:46
4 - O'CONNOR Ben (Decathlon) + 3:33
5 - PLAPP Luke (Jayco) + 3:42
6 - LUTSENKO Alexey (Astana) + 3:49
7 - UIJTDEBROEKS Cian (Visma) + 3:50
8 - TIBERI Antonio (Bahrain) + 4:11
9 - ZANA Filippo (Jayco) + 4:41
10 - FORTUNATO Lorenzo (Astana) + 4:44
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.