Pauline Ferrand-Prevotek Tourreko maillota defendatuko du, Demi Vollering eta Paula Blasiren mehatxuaren aurrean
Lasterketa zuzenean ikusi ahalko da ETB1en eta kirolakeitb.eus-en.
Pauline Ferrand-Prévot (Visma) txirrindulari frantziarrak iaz lortutako maillot horia defendatuko du Frantziako Tourraren bosgarren edizioan, abuztuaren 1etik 9ra lehiatuko dena. Berataz gain, Demi Vollering (FDJ-Suez) eta Paula Blasi (UAE) izango dira lidertzarako hautagai. Lasterketa zuzenean ikusi ahalko da ETB1en eta kirolakeitb.eus-en.
Ferrand-Prévot lehiatu gabe dago maiatzaren 9tik, Espainiako Vuelta 35. postuan amaitu zuenetik. Frantziarrak iazko garaipena errepikatzea du jomugan.
Pauline Ferrand-Prevot
Oso harro nago Tourra titulua defendatzen hasteaz, baina iazko garaipenak ez du ezer esaten orain gertatuko denaren inguruan.
Aurrean Demi Vollering izango du. Nederlandarra, bi Vuelta, Giro bat eta Tour bat dituena palmaresean, urte ona izaten ari da, Lieja-Bastoña-Lieja, Flecha Valona, Flandriako Tourra, Omloop Nieuwsblad eta Valentziako Erkidegoko Volta irabazita. 2025eko Tourrean, bigarren izan zen.
Kasia Niewiadoma (CANYON) izango da Tourra irabaztea zer den dakien beste txirrindularia, 2024an lortu baitzuen.
Paula Blasik 2026an Amstel Gold Race, Espainiako Vuelta, Durango-Durango, Pirinioetako Tourra eta Kataluniako Volta irabazi ditu, eta Elisa Longo Borghini (Giroa bi aldiz irabazi du) eta Mavi Garcia taldekideekin batera arituko da lasterketan.
Horiek dira Tourrean euren marka uzten saiatuko diren 147 txirrindularietako batzuk. Marlen Reusser (Movistar) edo Marianne Vos (Visma) bezalako beteranoak etaparen baten bila irtengo dira, baita Celia Gery (FDJ-Suez) frantziarra edo Antonia Niedermaier (CANYON) alemaniarra ere, debutariak lasterketan.
Bestalde, Laboral Kutxak gonbidapena aprobetxatuko du Naia Amondarain, Idoia Eraso eta Usoa Ostolaza euskaldunekin eta Paula Patiño kolonbiarrarekin.
Zure interesekoa izan daiteke
Laboral Kutxa-Euskadi itxaropentsu abiatu da Frantziako Tourrera
Laboral Kutxako taldea Lausanara bidean da; tartean, hiru euskal txirrindulari. Bertan hasiko da aurtengo Frantziako Tourra, eta hirugarrenez lehiatuko da euskal taldea. Langa koska bat gorago jarri du aurten zuzendaritzak. Usoa Ostolazak seiko taldea izango du atzetik, ahal dela lasterketaren ohorezko postuetan amaitzeko. Bestalde, Naia Amondarainek debuta egingo du itzuli handian.
2026ko emakumezkoen Frantziako Tourreko etapen profilak
Emakumezkoen Frantziako Tourraren 5. ekitaldia abuztuaren 1etik 9ra bitartean jokatuko dute, Lausanan hasi eta Nizan amaituta. Lasterketa kirolakeitb.eus-en eta ETBn izango da ikusgai.
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.