Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Gizonezkoen Frantziako Tourra
Gizonezkoen Frantziako Tourrak 2027an ospatuko du 114. edizioko ‘Grand Départ’-a, Britainia Handian, uztailaren 2tik 4ra bitartean eta hiru etapa izango ditu. Irteera historikoa izango da, hasiera berean hiru nazio zeharkatuko dituen lehena: Eskozia, Ingalaterra eta Gales. Tropela Edinburgotik abiatuko da eta Cardiffen amaituko du lehenengo zatia, iparraldetik hegoaldera.
Lehenengo etapak Edinburgo eta Carlisle lotuko ditu. Bigarren jardunaldia Ingalaterran jokatuko da oso-osorik, Keswick eta Liverpool artean, ibilbide zorrotzagoarekin. Hirugarren egunean, Welshpool eta Cardiff artean, Galesko lurretan.
Christian Prudhomme Frantziako Tourreko zuzendariak hautaketaren garrantzia azpimarratu du: "Erresuma Batuak pasioz eta harrotasunez hartu du beti Tourra. Ibilbide horiek lurraldearen edertasuna eta aniztasuna islatzen dute, eta britainiarrekin dugun harremanaren indarra erakusten dute ".
Irudia: Tour de France
Emakumezkoen Frantziako Tourra
Hilabete beranduago, Tour de France Femmes avec Zwiften txanda izango da, Europa kontinentaletik kanpo biziko duen bere lehen ‘Grand Départ’-a izango du 2027koa. Emakumezkoen lasterketa Ingalaterran hasiko da, uztailaren 30etik abuztuaren 1era, Leeds, Manchester, Sheffield eta Londres zeharkatuz.
Lehen etapa Leedsetik abiatuko da, britainiar txirrindularitzaren historian funtsezkoa eta Beryl Burtonen sorlekua. Bigarren jardunaldiak Manchesterreko tropela Sheffieldera eramango du, Snake Passetik pasatuz.
Emakumezkoen Grand Depart-a hirugarren etapa batekin itxiko da Londresen. Marion Rousse France Femmes avec Zwift-eko Tourreko zuzendariak irteera honen esanahia azpimarratu du: "Leeds-en hastea aukera sendoa da, emakumezkoen txirrindularitzaren historiarekin eta Tourra ezagutzen eta maite duen publikoaren gogoarekin lotua".
Erresuma Batuko Gobernutik, Stephanie Peacock Kirol ministroak nabarmendu duenez, lasterketa horiek "komunitateak batzen dituzte, tokiko ekonomia bultzatzen dute eta pertsona gehiago inspiratzen dituzte kirolaren onurak ezagutzera".
Irudia: Tour de France
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.