2028ko Tourra Reimsetik abiatuko da, eta lehen etapak Frantziako ekialdean izango dira
2021etik Frantziak hartuko duen bigarren irteera izango da. Bestalde, olinpiar jokoak egiten diren urteetan gertatzen den bezala, lasterketa ohi baino astebete lehenago hasiko da 2028an, ekainaren 24an, eta uztailaren 16an amaituko da, Parisen.
Reims, Xanpainako hiriburua. Argazkia: Wikimedia Commons
2028ko Tourra Reimsetik abiatuko da, Frantziako Xanpainaren hiriburutik, eta Frantziako ekialdean egingo ditu lehen etapak, antolatzaileek gaur jakitera eman dutenez.
2021etik Frantziak hartuko duen bigarren irteera izango da, Kopenhagek 2022koa hartu ondoren; Bilbok, 2023koa; eta Florentziak, 2024koa; aurten, berriz, Bartzelonan hasiko da, eta 2027ko irteera Edinburgon izango da. Lillek 2025ekoa hartu zuen, eta Brestek, 2021ekoa.
Konkretuki, 2028ko Tourra Charleville-Mezieres, Epernay, Metz, Thionville eta Verdunetik igaroko da, guztiak Frantziako Estatuko ekialdean. Gainera, olinpiar jokoak egiten diren urtetan gertatzen den bezala, lasterketa ohi baino astebete lehenago hasiko da 2028an, ekainaren 24an, eta uztailaren 16an bukatuko da, Parisen.
Historian bigarren aldiz
Historian bigarren aldia hasiko da Tourra Reimsen, 1956an lasterketa bertatik abiatu baitzen. Bestalde, Tourreko tropela 17 aldiz igaro da hiri horretatik; zortzi irteera eta bederatzi helmuga hartu ditu Reimsek. Azken aldia 2019an izan zen, orduan Julien Alaphilippe frantziarrak lortu zuen garaipena, eta, gainera, horiz jantzi zen.
Erliebe gorabeheratsua izan da 2028ko Tourra hasteko Frantzia ekialdea aukeratzera eraman duen ezaugarria, Christian Prudhomme Tourraren zuzendariaren arabera. Aitortu duenez, beste eskaintza batzuk zituzten mahai gainean, baina kirol arrazoiengatik aukeratu dute, eta Tourrak Frantziako sustraiak ez galtzea behar duelako.
Mahai gainean Luxenburgoren proposamena izan dute, eta Prudhommek esan du protagonismo berezia izan dezakeela 2028ko Tourrean, Nicolas Frantzen bigarren garaipenaren mendeurrenarekin eta Charly Gaulen garaipenaren 70. urtemugarekin batera. Baina Alemaniaren, Esloveniaren eta Txekia Errepublikaren eskaintzak ere jaso dituztela erantsi du.
Zure interesekoa izan daiteke
Pauline Ferrand-Prevotek Tourreko maillota defendatuko du, Demi Vollering eta Paula Blasiren mehatxuaren aurrean
Lasterketa zuzenean ikusi ahalko da ETB1en eta kirolakeitb.eus-en.
Laboral Kutxa-Euskadi itxaropentsu abiatu da Frantziako Tourrera
Laboral Kutxako taldea Lausanara bidean da; tartean, hiru euskal txirrindulari. Bertan hasiko da aurtengo Frantziako Tourra, eta hirugarrenez lehiatuko da euskal taldea. Langa koska bat gorago jarri du aurten zuzendaritzak. Usoa Ostolazak seiko taldea izango du atzetik, ahal dela lasterketaren ohorezko postuetan amaitzeko. Bestalde, Naia Amondarainek debuta egingo du itzuli handian.
2026ko emakumezkoen Frantziako Tourreko etapen profilak
Emakumezkoen Frantziako Tourraren 5. ekitaldia abuztuaren 1etik 9ra bitartean jokatuko dute, Lausanan hasi eta Nizan amaituta. Lasterketa kirolakeitb.eus-en eta ETBn izango da ikusgai.
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.