Frantziako Tourraren 10. etaparen profila eta ibilbidea: Vulcania-Issoire (167,2 km)
2023ko Frantziako Tourreko 10. etapa, uztailaren 11n jokatuko dena, mendi ertaineko etapa batekin itzuliko da, astelehenean txirrindulariek merezitako atsedena izan ondoren. Vulcaniatik irten eta Issoirera joango da. 167,2 kilometroko ibilbidearekin, etapa 13:05ean hasi eta 17:19 inguruan amaituko da.
Atsedena baliagarria izango zaie, ibilbidean bost mendate izango baitituzte aurretik, hirugarren mailako lau eta bigarren mailako bat. Hasi eta berehala, 7. kilometroan, Morenoko mendatearekin topo egingo dute (3. maila, % 4,7an). Ondoren, Guerykoa (3. maila, % 5ean), Croix Saint-Robert mendatea (2. maila, % 6,3an) eta Saint Victor la Riviere mendatea (3. maila, % 5,9an) iritsiko dira. Ardesera jaitsi ondoren, Chapelle Marcousse mendateak (3. maila, % 5,6ra) eguneko irabazlea aukeratuko du.
Igoera eta jaitsiera luzez betetako ibilbidea izango da, itzuli gogorra txirrindularientzat, eta kosta egingo zaie ihesaldiko taldean sartzea.
Igoera eta jaitsiera luzez betetako ibilbidea izango da, hots, gorabeheraz beteriko etapa "gogaikarri" horietakoa, 3.100 metroko desnibel metatua duena, segadetarako aproposa, baita sailkapen nagusiko gizonen artean ere, non Pocagar eta Vingegaard besteen gainetik nabarmentzen ari diren egunak joan eta egunak etorri.
Hartara, etaparen garaipenaren lehiari dagokionez, pentsatzekoa da ihesaldi batek arrakasta izan dezakeela egun honetan. Azkenik, tenperatura altuak izatea aurreikusita dago, eta horrek ere zeresan izan dezake jardunaldian zehar.
EITBk zuzenean emango du etapa, eitb.eus-en eta ETB1en bidez. 14:35ean izango da lasterketa ikusgai eitb.eus-en, eta 15:00etan ETB1en, hain zuzen ere.
9. etaparen profila | 11. etaparen profila
ETAPAREN PROFILA
FITXA TEKNIKOA:
Etapa: 10. etapa (uztailak 11, asteartea)
Ibilbidea: Vulcania - Issoire
Distantzia: 167 km
Irteera ordua: 13:05
Iritsiera ordua: 17:19 (42 km/h) | 17:31 (40 km/h) | 17:44 (38 km/h).
Mendiko saria: Col de la Moréno (3. maila), 7. kilometroan; Col de Guéry (3. maila), 27,3. kilometroan; Col de la Croix Saint-Robert (2. maila), 66,6. kilometroan; Côte de Saint-Victor-la-Rivière (3. maila), 84,3. kilometroan; Côte de la Chapelle-Marcousse (3. maila), 138,6. kilometroan.
Zure interesekoa izan daiteke
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.