Fernando Alonsok Euskaltel Euskadiren lizentzia erosiko du
Fernando Alonso Bat Formulako gidariak Euskaltel Euskadiren Pro Tour lizentzia erosiko du, eta egoitza Asturiasen izango duen talde berri bat eratuko du. Talde laranjak ez zuen babeslerik aurkitu, eta denboraldi honen amaieran tropela agur esan beharko ziola zabaldu zuen, baina Alonsok Euskaltelek duen lizentzia erosiko du.
Talde berriak 2014 eta 2015 denboraldietan Euskaltel Euskadirekin hitzarmena duten txirrindularien akordioak errespetatuko ditu. Helburua jarraitutasuna ematea da, eta pixkanaka, tropeleko txirrindulari onenak taldera ekartzea. Epe ertainean mundu mailako taldea eratzea da, nazioarteko proiektu indartsuarekin.
Euskaltelen komunikatua:
Euskaltel eta Fernando Alonso behin-behineko akordio batera heldu dira, eta Euskaltel Euskadi taldearen egiturak goi mailako txirrindularitzan jarraituko du 2014 urtean.
Hurrengo asteetan negoziaketak aurrera egingo dute, eta Fernando Alonsok Basque Cycling Pro Team, Euskaltel Euskadi taldearen jabea den sozietatea, erosiko du.
Txirrindularitzarentzat albiste bikaina da, Fernando Alonso bezalako kirol munduko lehen mailako pertsona ospetsu batekin taldearen ertorkizuna bermatuta egongo baita.
Euskal txirrindularitzarentzat ere berri ona da, taldearen egiturak eta profesionalek jarraitu egingo dutelako.
Bi aldeen arteko negoziaketak konfiantzarekin, profesionaltasunarekin eta zuhurtasunarekin eraman dira, eta horrela, behin-behineko akordioa lortu da.
Euskaltelek Bat Formulako gidariak behin-behineko hitzarmena hartzeko izan duen gogoa eskertu, eta era berean Euskaltel Euskadi taldearengan, profesionalengan eta zaleengan erakutsi duen errespetua, ezaguera eta miresmena azpimarratu nahi du.
Zure interesekoa izan daiteke
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Jaume Guardeño Caja Rural-Seguros RGA taldeko txirrindularia ospitalean da, entrenatzen ari zela auto baten aurka talka eginda
Alacanteko ziklista ZIUan dago, lesio larriak dituela, eta bilakaeraren zain daude; asteartean ospitaleratu zuten, istripuaren ostean, eta helikopteroz eraman zuten Sabadelleko Tauli ospitalera.
2026ko Euskal Herriko Itzulia: txirrindularien behin-behineko zerrenda
Joao Almeida iazko irabazlea ez da Itzuliaren 65. ekitaldian izango. Aurten, Isaac del Toro, Juan Ayuso, Primoz Roglic, Mikel Landa, Pello Bilbao edo Ion Izagirre dira, besteak beste, txapela bereganatzeko faborito nagusiak.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.
Vingegaard, Voltako lider berria Coll de Pal mendatean gailendu ondoren
Vingegaardek bakarrik ekin dio erasoari helmugatik 5,9 kilometrora, eta 51 segundoko aldearekin zeharkatu du helmuga.
Debora Silvestrik alta jaso du Milan-San Remo lasterketan eroriko larria izan ondoren
Txirrindulari italiarrak alta jaso du sei egun ospitalean eman ostean, Milan-San Remo proban eroriko larria izan, eta 5 saihets hautsi ostean.
Miguel Indurain 2026 Sari Nagusiaren ibilbidea, profila eta ordutegia
Lizarrako lasterketan 19 taldek parte hartuko dute. Probak 200 kilometro inguruko ibilbidea eta 3.500 metroko desnibel positiboa izango du.