UEFA Europa Liga
2025/05/01 - 12:15
Athleticek emaitza ona lortu nahi du Manchester Uniteden aurka San Mamesen, finalerdietako joaneko partidan
Zuri-gorriek Ingalaterrako taldea izango dute aurkari gaur, Europa Ligako finalerdietako joaneko neurketan. Oihan Sancet ez da jokatzeko prest egongo. Norgehiagoka 21:00etan hasiko da.
2025/05/01 - 00:52
Manchester United Bilbon da, finalaurrekoaren joaneko partidaren zain
Ingalaterrako taldea asteazken arratsaldean iritsi da Loiuko aireportura. Ostegunean, Athletic eta Manchester United nor baino nor gehiago arituko dira, 21:00etatik aurrera, Europa Ligako finalerdiko lehenengo neurketan.
2025/04/30 - 16:14
Nico Williamsek eta Valverdek United goraipatu eta Athleticek kanporaketa ona egitea espero dute
Ernesto Valverdek eta Nico Williamsek, Athleticen entrenatzaile eta jokalaria hurrenez hurren, Europa Ligako finalerdietako Manchester Uniteden kontrako joaneko partidari buruz hitz egin dute. Neurketa San Mamesen jokatuko da, maiatzaren 1ean. (Adierazpenak, gaztelaniaz)
2025/04/28 - 15:00
Manchester United Athleticen Europa Ligako finalerdietako aurkariaren analisia, Paul Giblinen eskutik
Athleticek Manchester United izango du aurkari Europa Ligako finalerdietan. Joaneko neurketa maiatzaren 1ean jokatuko da San Mamesen; itzulikoa, aldiz, hilaren 8an Old Trafforden. Paul Giblin kazetari britainiarrak Uniteden analisia egin du EITB Mediarentzat. (adierazpenak gaztelaniaz)
2025/04/18 - 11:30
Nico Williams: ''Amets bat bizitzen ari naiz''
Nico Williamsek, oso pozik Athleticek finalerdietarako txartela lortu duelako, bere taldea "gauzak oso ondo" egiten ari dela uste du, eta maiatzaren 21ean San Mamesen jokatuko den Europa Ligako "finalera iristeko horrela jarraitzea" espero du.
2025/04/18 - 02:52
Agirrezabala: ''Gauzak orain arte bezala egiten baditugu, aukera handiak izango ditugu finalean egoteko''
Athleticeko atezainak, beste behin, ez du golik jaso, Europa Ligako partidan, Rangersen aurka; Eskoziako taldea kanporatuta, talde zuri-gorriak, orain, Manchester United izango du aurkari, finalaurrekoetan.
2025/04/18 - 02:49
Manchester United izango da Athleticen aurkaria finalerdietan
Joaneko partida maiatzaren 1ean jokatuko da San Mamesen, eta itzulerakoa maiatzaren 8an, Old Trafforden.
2025/04/18 - 02:19
Ernesto Valverde: ''Badakigu zer diren finalak gure zaleentzat, eta zein zaila den iristea''
Athleticeko entrenatzaileak, talde zuri-gorriak final laurdenetan Rangers FC kanporatuta, finalerdietan aurkaria izango den Manchester United izan du aztergai: "Old Trafford, ondo dago, han jokatu behar da", nabarmendu du.
2025/04/18 - 01:11
Athleticek Rangers kanporatu du (2-0), Sancetek eta Nico Williamsek golak sartuta, eta finalerdietan da
Ernesto Valverderen taldea lehen zatiko luzapenean aurreratu da, Oihan Sancetek baliatutako penalti baten bidez, eta 81. minutuan egin du 2-0ekoa, Nico Williamsek buruz sartutako golaz. Hala, euskal taldea txapelketako finalerdietan izango da, maiatzaren 1ean eta 8an, Manchester Uniteden aurka.
2025/04/17 - 22:26
Erabateko giro zuri-gorria Moyua plazan, Athleticen kontzentrazio-hotelaren aurrean
Zale zuri-gorriak Moyua plazaren inguruan bildu dira, Carlton Hotelaren aurrean, Athleticeko jokalariei hauspoa emateko, Rangersen aurkako Europa Ligako partidaren atarian.
2025/04/17 - 16:31
Bilboko kaleak girotu dituzte Athleticeko eta Rangerseko zaleek
Europa Ligako finalaurrekoetarako txartela izango dute lehian gaur gauean San Mamesen Athleticek eta Rangersek, 21:00etatik aurrera. Ordura arte, bi taldeetako zaleak Bilbon barrena dabiltza, eguna aprobetxatzen.
2025/04/17 - 12:03
Athletic Europa Ligako finalaurrekoetarako txartelaren bila, Rangersen aurkako kanporaketa irekian
Eskozian jokatutako joanekoa hutsean amaitu zenez, bi taldeek dituzte aurrera egiteko aukerak.
2025/04/17 - 02:06
Dozenaka athleticzale izan dira Lezaman, talde zuri-gorriari babesa emateko, Rangersi begira
Final zortzirenetako kanporaketan ere gertatu zenez (orduan, Athleticek, San Mamesen, Erroma kanporatu zuen), Bizkaiko taldearen zaleak azken entrenamenduan izan dira, Valverderen gizonek Rangersen aurka jokatu aurretik. Jokalariek babesa eskertu dute.
2025/04/16 - 16:05
Sannadik eta Valverdek partida zaila aurreikusten dute Rangersen aurka, baina garaipenean sinesten dute
Maroan Sannadi eta Ernesto Valverde Athleticeko jokalari eta entrenatzaileak hurrenez hurren, prentsaurrekoan hitz egin dute aprilaren 17ko Rangersen aurkako Europa Ligako final-laurdenetako itzuliko partidari buruz.
2025/04/12 - 20:51
Valverde: ''Rayori irabazten badiogu, gure benetako helburutik, Europatik, oso gertu egongo gara''
Ernesto Valverdek, Athleticeko entrenatzaileak, igandean San Mamesen Rayo Vallecanori irabaztea lortzen badute talde zuri-gorriaren "benetako helburutik, Europatik, oso gertu" egongo direla azpimarratu du.
2025/04/11 - 02:05
Jauregizar: ''Aurten ez gara zorterik izaten ari penaltietan''
Mikel Jauregizar Athleticeko jokalariak Europa Ligako final-laurdenetako joaneko partidan Rangersen aurka lortutako berdinketaz (0-0) hitz egin du.
2025/04/11 - 01:03
Punteria faltak eta huts egindako penaltiak saririk gabe utzi dute Athletic Rangersen aurka (0-0)
Nahiz eta mila aukera izan, eta jokalari bat gehiagorekin jokatu Propper kanporatu ondoren, zuri-gorriak ez dira markagailua irekitzeko gai izan, eta San Mamesen bilatuko dute finalerdietarako txartela.
2025/04/10 - 16:07
Giro paregabean dira athleticzaleak Glasgown, gaur gaueko partidaren atarian
Glasgow Rangersen kontra jokatuko du Athleticek gaur, Europa Ligako final-laurdenetako joanekoa. Glasgowera joandako zaleak ederto daude, taldea animatzeko prest.
2025/04/10 - 12:35
Athleticen omenaldia Ibrox Stadiumeko ezbeharretan hildakoei
Jose Angel Iribarrek lore sorta bat utzi du Jon Uriarte presidentearekin batera John Greig Rangersekin aurkari izan zuen estatuan. Ibrox Stadiumeko ezbeharretan hildakoen omenez egin du lore eskaintza Athleticek.
2025/04/10 - 10:29
Athleticek emaitza ona lortu nahi du Rangersen aurkako joaneko partidan
Zuri-gorriek Glasgown jokatuko dute apirilaren 10ean, 21:00etan, Europa ligako final-laurdenetako kanporaketako joaneko partida. Bilboko taldean Yuri Berchiche ez dago jokatzeko prest, min hartuta baitago.