Athleticen porrot latza Manchester Uniteden aurka: hiru gol lehen zatian eta txartel gorria Vivianentzat (0-3)
Athleticek porrot mingarria jaso du Manchester Uniteden aurka (0-3) ostegun honetan San Mamesen, Europa Ligako finalerdietako joaneko partidan. Lehen zatian jasotako hiru golek -bat penaltiz- eta Vivianek jasotako txartel gorriak hondoratu egin dituzte zuri-gorriak, eta oso zail izango dute datorren astean kanporaketari buelta ematea Old Trafforden.
Partida susto batekin hasi da zuri-gorrientzat; izan ere, 4. minuturako Garnachok markagailua ireki du talde ingelesaren alde. Zorionez, gola baliorik gabe geratu da Hojlund jokoz kanpo zegoelako.
Gainerakoan, Athletic baloiaren jabe izaten hasi da eta erasoaren ekimena eraman du. Lehen aukera argia Berenguerrek urrutitik egindako jaurtiketa bat izan da, zutoinera itsatsita, Onanak ondo gelditu duena. Hurrengo jokaldian, Berenguerrek berak erdiraketa oso zehatza jarri du area barrura, Iñaki Williams errematatzeko bakarrik utziz, baina bere burukada gora joan da.
20. minutuan, Jauregizarrek Iñaki ikusi du hegalean eta pase luze bat eman dio, honek barrura eraman zezan. Ez du asmatu erdiraketan, Lindelofek atera baitu, eta Berenguerrek aldaratzea sarera bidali nahi izan duenean, Lindelofek berak saihestu du berriro.
Partida hasi eta ordu erdira, Maguirek ihes egin dio Jauregizarri, eta gero areara erdiratu du. Ugartek orraztu du lehen zutoinean eta Casemirok buruz errematatu du bigarrenean gola sartzeko (0-1).
Gainera, Manchester Uniteden hurrengo erasoan Vivianek lurrera bota du Hojlund area barruan. Hasieran epaileak ez du ezer adierazi, baina, VARean berrikusi ondoren, erabakirik txarrena hartu du: penaltia eta txartel gorria Vivianentzat. Bruno Fernandesek bigarren gola egin du hamaika metroetatik (0-2).
Lehen zatia amaitu aurretik, Bruno Fernandesek are gehiago handitu du aldea, taldearen jokaldi on baten ondoren (0-3).
Bigarren zatian Valverdek eskema aldatu behar izan du bat gutxiagorekin jokatzeko. Aurretik Gorosabel eta Paredes Berenguerren eta De Marcosen ordez sartu dira, eta horiei Prados gehitu zaie, Galarretaren ordez.
Athletic dena ematera atera da, aldea murriztu behar baitzuen, baina kosta egin zaio etxeko lanak eginda zituen talde ingelesari min egitea, baloiari eusten aritu direnak.
Unitedek markagailua handitzeko aukera ere izan du urruneko jaurtiketekin, baina Agirrezabala fin ibili da eta geldiketa onak egin ditu hori saihesteko.
Zuri-gorriek amaierara arte eutsi diote eta ez diote aurkariari min gehiago egiten utzi, batez ere azken minutuetan. Aurpegia eman dute eta orain misio zaila izango dute kanporaketari buelta ematen saiatzeko Old Trafforden.
De Marcos, ordezkatuta gainkargagatik
Oscar De Marcos zelaitik atera behar izan dute lehen zatian, eskuin hankako giharretan gainkarga izan baitu. Klubak iragarri duenez, jokalaria proba osagarrien zain geratu da.
Zure interesekoa izan daiteke
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.