Denzel Anderssonek eta Alex Renfroek ez dute Bilbao Basketen jarraituko
Denzel Andersson eta Alex Renfroe jokalariek ez dute Surne Bilbao Basketen jarraituko, ostegunean Bilboko klubak iragarri duenez. Anderssonek bi denboraldi eman ditu Bilboko taldean, 2022tik, eta Renfroek 2023-24 denboraldian jokatu du Jaume Ponsarnauren esanetara. Bizkaiko klubak, hortaz, dagoeneko bost baja iragarri ditu, 2024-25 denboraldirako: Alex Reyes, Tomeu Rigo, Georgios Tsalmpouris, eta arestian aipaturikoak, alegia, Andersson eta Renfroe.
2023-24 denboraldian, Denzel Andersson hegaleko-pibotak Endesa Ligako 34 partidatan jokatu du. Batez beste, partidako 18 minututan izan da kantxan, 4,2 puntu sartu ditu, eta 2,4 errebote jartu. Bi puntuko jaurtiketetan, egindako % 65 saskiratu ditu, eta hirukoen % 30,8 (78tik, 24). Guztira, azken bi urteotan, 86 partida ofizial jokatu ditu Bilbao Basketen.
Alex Renfroe joko antolatzaileak, ordea, 45 neurketa jokatu ditu 2023-24 denboraldian; batez beste, 6,8 puntu sartu ditu, 4,7 asistentzia eman eta 3,5 errebote hartu ditu, partidako.
Bilboko klubean, aurreikuspena da Adam Smithek ez jarraitzea, eta uste dute Sacha Killeya-Jones beste talderen batek fitxatuko duela, "xarma handiko jokalaria baita", Rafa Pueyo kirol zuzendariak duela gutxi onartu zuenez. Melwin Pantzarrek, Xavi Rabasedak eta Thijs de Ridderrek bermatutako kontratua dute, eta Tryggvi Hlinasonek eta Kristian Kullamaek ere bai, azken bi horiek 2025era arte; dena dela, Hlinasonek eta Kullamaek irteteko klausulak dituzte.
Baliteke Keith Hornsbyk taldean jarraitzea. Fitxaketei dagokienez, bat ere ez dute baieztatu, oraingoz; hainbat informazioren arabera, Harald Frey joko antolatzaile norvegiarra eta Tomasz Gielo hegaleko-pibot poloniarra iritsiko dira.
Zure interesekoa izan daiteke
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.
Hlinasonek, Freyk eta Fontek Surne Bilbaorekin zituzten kontratuak luzatu dituzte, 2029ra arte
2025-2026 denboraldian Bilboko taldean izandako jokalariei erreparatuta, zortzi gizon izango dira, berriro, hurrengo denboraldian; hori bai, Bassala Bagayokok 2028ra arteko kontratua badu ere, baliteke ez jarraitzea klubean.