Kosner Baskoniak Makabiri irabazi dio, ateak itxita berriro (101-98)
Gasteiztarrek hirugarren laurden bikaina egin dute, eta partidan funtsezkoa izan 40-19ko partziala sartu diote Israelgo taldeari.
Euroligako partidaren une bat, Buesa Arenako harmailak hutsik daudela. Argazkia: EFE
Kosner Baskoniak ateak itxita jokatutako partida irabazi du oraingoan ere Makabi Tel Aviven aurka, 101-98, Hapoelen aurka egin zuen bezala, hirugarren laurden bikaina egin ondoren.
Arabarrek garaipenen bolada positiboarekin jarraitzen dute, eta israeldarren goranzko joera eten dute, Makabik play-inean postu bat lortzeko aukera asko galdu baititu.
Tim Luwawu-Cabarrot izan da Baskoniaren jokalaririk onena 26 balorazioarekin, baina Markquis Nowellek partida aldatu du Markus Howarden itzuleran. Howardek oso ondo aukeratu ditu bere jaurtiketak gaurkoan.
Looney Walkerrek, Jimmy Clarkek eta Roman Sorkinek osatutako hirukoteak neurketa oso ona jokatu du, baina ez da nahikoa izan azken txanpa uste baino estuagoan.
Hirukoek saskiratze askoko partida baten hasiera markatu dute, erasoan emankorrenak diren bi taldeen arteko lehiak agintzen zuen bezala. Trent Forrestek sartutako bi hirukoei Looney Walkerrek erantzun die beste hirurekin eta israeldarren aldeko lehen zuloa ireki du markagailuan, 14 punturekin ia jarraian bost minututan.
Saskiratzaileen uholdea gelditu egin da bigarren laurdenean, eta Baskoniak aprobetxatu egin du aldea txikitzeko, nahiz eta bi taldeek baloi galerak eta akatsak izan. Markus Howarden hiruko batek dena zabalik utzi du bigarren zatirako, 44-53.
Baskoniak 8-0eko partziala sartu du bigarren zatiko lehen minutuetan, baina Roman Sorkinek eta Looney Walkerrek Makabiri arnasa eman diote.
Paolo Galbiatiren taldeak nabarmen egin du hobera defentsan eta hirugarren laurdena bikain itxi du, 14-2ko partzialarekin. Markquis Nowell nabarmendu da kantxaren bi aldeetan. Arabarrak aurretik jarri dira (84-72), hirugarren laurdenean 40-19ko partziala sartu ostean.
Azken laurdenaren hasieran 0-5eko batekin erantzun du talde horiak. Baskoniak erreakzionatu egin du, baina 91 puntutan trabatu egin da eta aukera eman dio Jimmy Clarkek gidatutako Makabiri.
Makabik lau puntura hurbildu da amaierarako bi minutu baino gutxiagoren faltan, baina Markquis Nowellek urrunetik sartutako hirukoak Israelgo taldearen asmoak zapuztu ditu. Clarken beste bi saiakerek gasteiztarrei lanak eman dizkiete, baina Tim Luwawu-Cabarroten bi jaurtiketa libreek lehia itxi dute, 101-98.
Zure interesekoa izan daiteke
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.
Baskonia azken laurdenean hasi da sendo, eta Girona garaitu du (94-81)
Kosner Baskoniak Gironari irabazi dio (94-81) azken laurden gogor baten ostean. Nahiz eta lehen hiru laurdenetan partida oso parekatua izan den, fisikoak eta intentsitateak bidea ireki diete baskoniarrei azken txanpan.