Lesioz jositako Baskoniak Euroligan daukan bolada txarra haustea bilatuko du Olympiakosen aurka

Lesioz betetako Baskoniak Euroligan darabilen bolada txarra haustea bilatuko du Olympiakosen aurka, ostegunean, 20:15etatik aurrera.Baskoniarrek Euroligako azken sei partidak galdu dituzte, eta kontinenteko kantxa zailenetako bat bisitatuko dute. Greaziako taldeak bi neurketa galdu ditu etxean, Panathinaikos eta Valentzia Basketen aurkakoak.

Kosner Baskoniaren erizaindegira joan berri da Markus Howard, eta duen giharretako arazoak pistatik kanpo edukiko du bi edo hiru astez. Rodion Kurucs, Tadas Sedekerskis, Khalifa Diop eta Jese Edwardek ere ezingo dute osteguneko norgehiagoka jokatu; Jese Edwardsen kasuan, epe kontu batengati ezin duelako izenik eman txapelketan.

Tim Luwawu-Cabarrot Baskoniarekin joango da Greziara, baina ez da jakina Olympiakosen aurkako neurketan jokatzeko moduan izango den ala ez, jokalari frantziarrak azkeneko bi partidak galdu ditu, eta Paolo Galbiatik azkeneko ordura arte ez du jakingo jokalaria prest egonen den.

Bere aldetik, Georgios Bartzokasen taldeak ez ditu Keenan Evens eta Moustapha Fall erabilgarri izanen. Hala ere, sailkapenaren bigarren postuan daude, eta motibaturik ailegatuko dira neurketara, izan ere, Euroligako liderra den Fenerbahce garaitu zuten; partida horretan Evan Fournien izan zen jokalari onena.

Kosner Baskoniak defentsan hobetu beharko du, garaipena lortu nahi baldin badu; izan ere, Euroligan puntu gehien jasotzen dituen taldea izaten jarraitzen du, eta txapelketan saskiratze gehien egiten duen bigarren taldearen aurka jokatuko du.