Baskoniak garaipena nahi du Pireon, Olympiakosen aurka, Euroligako play-offetarako txartela bermatzeko
Cazoo Baskoniak garaipena nahi du ostegunean, Pireon, Olympiakosen aurka, 20:00etatik aurrera, Euroligako fase erregularreko bere azken partidan, Europako txapelketa nagusiko play-offetarako txartela bermatu ahal izateko. Egun Euroligako liderra den taldearen etxean irabaziz gero, Gasteizko taldea play-offetan izango da; galduz gero, Zalgiris Kaunasek, ostiralean, Alemanian, Bayern Munichen kontra galtzea beharko luke. Joan Peñarroyaren taldea, orain, zortzigarren postuan dago, baina Olympiakos menderatuko balu, eta beste emaitza batzuk emango balira, bosgarren postua ere lor lezake.
Baskonia bikain ibili da Euroligan, eta Arabako taldeak ez du inoren laguntzarik behar aurrera egiteko. Erdietsiko balu, 2019tik lehen aldiz egongo litzateke Europako zortzi talde onenen artean. Olympiakosen aurkako norgehiagoka, horrenbestez, oso-oso garrantzitsua da: Baskoniak sailkatzea du jokoan, eta etxeko taldeak, aldiz, fase erregularreko lehen postua. Hori bai, euskal taldeak, irabazi ezean, beste aukera bat izango luke: ostiralean, Bayern Munich-Zalgiriz Kaunas partidan, Alemaniako taldearen garaipena beharko luke. Bayern Munich hamabosgarren dago, eta ez du ezer jokoan; Zalgiris Kaunas, ordea, bederatzigarren dago, eta Baskoniak beste partida irabazi ditu.
Olympiakos eta Baskonia 45 aldiz aritu dira nor baino nor gehiago Euroliga sortu zenetik, alegia, 2000tik. Bien arteko azken hiru neurketetan, Greziako taldea gailendu da; 2020-21 denboraldian, baina, Baskonia nagusitu zen Pireon.
Joan Peñarroyaren taldean, Tadas Sedekerskis baja izango da, eta Georgios Bartzokas Olympiakoseko entrenatzaileak, berriz, jokalari guztiak ditu prest. Greziako taldeak Ligan eta Euroligan jokatu dituen azken 30 partidetako 3 galdu ditu; lehen postuan dago Euroligan, 23 partida irabazita (guztira, 33 jokatu dituzte).
Sasha Vezenkov bulgariarra, Euroligako jokalaririk onena izateko hautagaia, da Greziako taldearen liderra, eta Kostas Sloukas, Kostas Papanikolau, Thomas Walkup eta Moustapha Fall ere jokalari garrantzitsuak dira. Alec Peters Baskoniako jokalari ohia, aldiz, ez da horren garrantzitsua izaten ari.
Olympiakos eta Baskonia onenetakoak dira paseak eman eta baloia berreskuratzeko orduan; jaurtiketetan, ordea, Bartzokasen taldea hobeto dabil biko eta hiruko jaurtiketei dagokienez. Errebotean da oso indartsua Baskonia, eta biziki egin du hobera arlo horretan.
Baskoniaren aukerak sailkatzeko eta bosgarren, seigarren edo zazpigarren postuan amaitzeko
Zer behar du Baskoniak play-offetara sailkatzeko? Olympiakos menderatu, eta, egingo ez balu, Zalgiris Kaunasek ostiralean Munichen galtzea, Bayernen aurka (partida 20:30ean hasiko da).
Zer behar du bosgarren amaitzeko? Olympiakos menderatu eta talde hauek galtzaile ateratzea: Makabi Tel Aviv (Real Madrilen kontra jokatuko du, ostegunean, 20:05ean), Partizan Belgrad (Panathinaikos izango du aurkari, ostiralean, 20:30ean), Fenerbahce (Izar Gorria Belgraden kontra, ostegunean, 19:00etan) eta Zalgiris Kaunas.
Zer behar du seigarren amaitzeko? Olympiakos menderatu eta aurretik esandako taldeek galtzea, Makabi Tel Avivek edo Partizan Belgradek izan ezik, edo soilik Zalgiris Kaunasek irabaztea, edo Partizan Belgradek eta Zalgiris Kaunasek irabaztea.
Zer behar du zazpigarren amaitzeko? Olympiakos menderatzea eta Partizan Belgradek, Fenerbahcek eta Zalgiris Kaunasek irabaztea, edo Makabi Tel Avivek eta Partizan Belgradek. Halaber, zazpigarren amaituko luke Olympiakos menderatuko balu eta Zalgiris Kaunasek edo Fenerbahcek irabaziko balute, edo Makabi Tel Avivek eta Zalgiris Kaunasek irabaziko balute.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.