Baskoniak ezin izan du Real Madril menderatu
Baskoniak 86-82 galdu du Real Madrilen aurka Endesa Ligako partida. Sito Alonsok zuzentzen duen taldeak norgehiagoka ona jokatu du, baina azken minutuan Real Madril finago ibili da, eta garaipena lortu du.
Ondo ekin dio partidari Arabako taldeak eta lehen hamar minutuetan aurkariak baino hobeto jokatu du. Honen ondorioz, Baskoniak bi puntuko abantaila eskuratu du (16-18). Bigarren laurdenean, ordea, Real Madril nagusi izan da. Baskoniak ez du gaizki jokatu, baina Lasok zuzentzen duen taldea hobeto ibili da erasoko zein defentsako lanean. Hau dela eta, Real Madril iritsi da abantaialrekin atsedenaldira (40-37).
Atsedenalditik kantxara itzuli ostean, etxeko taldeak nagusi izaten jarraitu du. Baskoniak zailtasunak izan ditu saskiraketak lortzeko eta Real Madrilek abantaila handitu du hirugarren laurdenaren amaieran (65-59). Azken laurdenean, lehia estu joan da. Baskoniak aldeak murriztea lortu eta aurrea ere hartu du markagailuan (73-74) amaierarako hiru minutu falta izan direnean. Garaipena azken minutuan erabaki da, eta amaierako 60 segundoetan Real Madrilek gehiago asmatu du aurkariaren saski aurrean eta garaipena eskuratu du (86-82).
Fitxa teknikoa:
86 - Real Madril (16+24+25+21): Randolph (13), Rudy Fernandez (2), Ayon (7), Llull (11) eta Jeff Taylor (5) -hasierako bostekoa- Draper (-), Nocioni (2), Doncic (15), Felipe Reyes (9), Carroll (11) eta Hunter (11).
82 - Baskonia (18+19+22+23): Larkin (16), Voigtmann (13), Hanga Adam (11), Tillie (9) eta Budinger (10) -hasierako bostekoa- Beaubois (19), Blazic (-), Diop (4), Laprovittola (-) eta Rafa Luz (-).
Epaileak: Miguel Angel Perez, Jose Ramon Garcia eta Juan de Dios Oyon.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.