Kutxabank Araskik irabazi du Euskal Kopako lehen partida
Kutxabank Araski Inversus Gernika baino gehiago izan da partida guztian zehar. Azkenean, 60-71ko markagailuarekin amaitu da Beasainen jokatu den norgehiagoka.
Kutxabank Araskik 60-71 irabazi dio asteazken honetan Inversus Gernikari, Beasaingo Antzizar Kiroldegian jokatu den Euskal Kopako lehen partidan. Horrela, talde arabarrak ligaxkako lehen garaipena lortu du.
Araski Inversus Gernika baino hobeto jardun da partida guztian zehar. Lehen minutuetatik markagailua alde izan du eta bizkaitar taldea ez da suspertu. Lehen laurdena 17-19 bukatu da, baina Araskikoek abantaila handitzea lortu dute atsedenaldira iritsi aurretik (31-44). Aldageletatik aterata, Kutxabank Araskik markagailuari eutsi dio, eta 15 puntuko errentarekin ekin dio partidako azken laurdenari, hirugarren laurdenaren amaieran 43-58 izan ostean. Inversus Gernika aldea murrizten saiatu da, baina Araskiren aldeko 60-71 emaitzarekin bukatu da norgehiagoka.
Euskal Koparen bigarren partida ostiralean jokatuko da, irailaren 25ean, 19:00etan, Kutxabank Araski eta Mirai Euskotrenen arteko lehiarekin. Hirugarren eta azken jardunaldia irailaren 27an jokatuko da, 12:00etan, Mirai Euskotren eta Inversus Gernikaren arteko norgehiagokarekin, eta EITBn izango da ikusgai.
Zure interesekoa izan daiteke
Kutxabank Araski markagailua iraultzetik gertu geratu da, baina Mirai Euskotrenek irabazi du Euskal Kopako bigarren partida
Asisa Joventut, Endesa Superkopako txapelduna
Emakumezkoen Euskal Kopa Beasainen jokatuko da datorren asteazkenetik igandera
Surne Bilbao Basketek irabazi du Euskal Kopa, Gasteizen Kosner Baskonia menderatuta (85-99)
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Chicago Bulls taldeak Tiago Splitter Baskoniako jokalari ohia fitxatu du, eta entrenatzaile ibiliko da taldean
New York Knicks 53 urte geroago nagusitu da NBAn
Wembanyamak beste marka bat hautsi du, play-offetako partida bakar batean 12 tapoi jarrita
