Baskoniak arnasa hartu du Bilbao Basket menderatuta (67-69)
Baskoniak garaipen garrantzitsua lortu du Endesa Ligan, Bilbao Basket Miribillan 67-69 menderatuta. Gasteizko taldeak ez du joko ikusgarria egin, eta azken zatian espero baino gehiago sufritu du, Jaume Ponsarnauren mutilak suspertu egin direlako. Alabaina, Bilboko taldearen susperraldia berandu iritsi da, eta, azkenean, Baskoniak eraman du euskal derbia, Chimo Monekek erakustaldia emanda.
Horrenbestez, Pablo Lasoren taldeak amaiera eman dio Ligan zeraman bolada txarrari; Bilbao Basketek, berriz, segidako laugarren porrota jaso du, eta jaitsierako postuetara erortzeko zorian dago.
Lehen zatia oso parekatua izan da, Baskonia une oro aurretik izan bada ere. Gasteizko taldea hobeto ibili da defentsako lanetan nahiz erasoko jokoan, eta Bilbao Basketek baino hiruko gehiago sartu ditu (4).
Etxeko taldeak, berriz, 13 jaurtiketa egin ditu kanpoaldetik, baina bi bakarrik saskiratu ditu, eta horrek markatu du bi taldeen arteko aldea lehendabiziko bi laurdenetan.
Edonola ere, norgehiagoka intentsitate handikoa izan da hasieratik, eta bi taldeek dena bigarren zatian erabakitzeko utzi dute (32-40).
Atsedenaldiaren ostean, Pablo Lasoren gizonek martxa bat gehiago sartu dute, eta hirugarren laurdena oso bizia izan da. Bilbao Basketek baloi asko galdu ditu, Baskoniak egindako presioaren ondorioz.
Hala ere, "beltzezko gizonek" baloia berreskuratu duten bakoitzean, azkar atera dira kontraerasoan; horrela, markagailuan aldea gehiegi ez haztea lortu dute, eta bizirik iritsi dira azken laurdenera (48-57).
Derbiaren azken txanpan, Jaume Ponsarnauren taldea suspertu egin da, eta emozio handiko amaiera izan da. Baskonia estu hartu du, baina hiruko jaurtiketetan ez du asmatu, eta larrutik ordaindu du.
Gainera, Gasteizko taldea gehien sufritzen ari zenean, Monekek bere mailari eutsi dio, eta puntu erabakigarriak sartu ditu, beltzezko gizonei markagailua iraultzeko itxaropena zapuztuta. Bukaeran, uste baino gehiago sufrituta izan bada ere, Baskonia gailendu da, 67-69, eta bolada txarrari amaiera eman dio, Bilbao Basketen kaltetan.
FITXA TEKNIKOA
67 - Surne Bilbao Basket (14+18+16+19): Pantzar (7), Kullamae (7), Zoran Dragic (3), De Ridder (8) eta Hlinason (17); Frey (8), Abdur-Rahkman (6), Ruben Dominguez (2), Gielo (5), Jones (4) eta Sylla.
69 - Baskonia (20+20+17+12): Forrest (5), Baldwin (7), Sedekerskis (12), Moneke (24) eta Hall (9); Howard (1), Rogkavopoulos (4), Diop (2), Jaramaz (2) eta Raieste (3).
Partzialak: 14-20, 32-40, 48-57 eta 67-69.
Epaileak: Benjamin Jimenez, Sergio Manuel eta Alberto Sanchez Sixto. Ez dute inor kanporatu.
Zure interesekoa izan daiteke
Kosner Baskoniak Eugene Omoruyi nigeriarra fitxatu du bi hilabeterako, denboraldia bukatu arte taldean geratzeko aukerarekin
Jokalaria Dubaiko Al Nasr taldetik dator, eta datozen orduetan Madrilera iritsiko da Baskoniako taldekide berriekin elkartzeko.
Surne Bilbaok sendo ekin dio txapelketako bigarren faseari Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan, garaipen garrantzitsua lortuz.
Tadas Sedekerskisi artroskopia egingo diote eskuineko orkatilan, eta gutxienez hilabete eta erdi egon liteke jokatu ezinik
Kosner Baskoniako jokalaria ostegunean egingo diote artroskopia hori; Eurobasketen, Lituaniako selekzioarekin ari zela, lesioa izan zuen, eta helburua da guztiz sendatzea.
Kutxabank Araskik, Lointek Gernikak eta IDK Euskotrenek galdu egin dute Endesa Ligako hamargarren jardunaldian
Larunbatean, Kutxabank Araskik ezin izan zuen Esteponaren aurka (71-91); igandean, kanpoko talde gisa, Lointek Gernika Bizkaiak Baxi Ferrolen kontra galdu zuen (71-57), eta IDK Euskotrenek, ordea, Spar Girona aurkari (71-60).
Kosner Baskoniak luzapenean galdu du Valentziaren aurka (89-91)
Kosner Baskoniak 89-91 galdu du Buesa Arenan Valentziaren aurka Endesa Ligako 9. jardunaldian. Lehen zati bikaina egin du, baina partida luzapeneraino joan da eta Valentziak irabazi du.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Hirugarren laurden onak garaipena eman dio Kosner Baskoniari Milanen aurka (88-78)
Howardek eta Brooksek hirukoak trukatu dituzte eta denborak aurrera egin du Baskoniaren beste garaipen bat ziurtatzeko, 88-78.
Kutxabank Araskik eta IDK Euskotrenek aurkariak gainditu dituzte, eta Lointek Gernikak galdu egin du
Arabako taldeak bere bigarren garaipena lortu du Leganesi irabazita (70-64). Bien bitartean, Azu Muguruzaren taldeak Joventut Badalonari irabazi dio (74-68), eta Lointek Gernikak porrota jaso du Cadi La Seuren aurka.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Kosner Baskoniak galdu egin du Zalgirisen aurka, laugarren laurdenean gainbehera joan ostean
Etxeko taldeak partida irauli zuen azken zatian bikain jokatuta, eta Sylvain Francisco jokalari frantziarraren lan apartari esker.